زوجي وأهلي والسوق.

بنااااات بإختصار زوجي ماعليه. بس طبع فيه تعبت منه. دلعته اجيه بالأسلوب اللي يحب احاول أكسبه بكل الطرق لانه مايحب الأوامر او أني انا مثلا أقوله اليوم فيه جمعه عند أهلي أبغى اروح لازم الف وتدور علشان مايحس انه غصب عنه. مع أني تعبت من ذا الأسلوب بس مالي اصبر. انا يابنات عندنا زواج لولد اخوووه. وشريت الفستان بس بنتي كانت تعبانه وخلصت بسرعه ووعدني ينزلني مرررره ثانيه. طبعا جاء من الدوام وشفته رايق وذكرته بالسوق. ياهو قلب علي وخاصمني ويقول اكتبيها وانا اجيبها. باالله كيف يفهم في المكياج والخ. زعلت وتناقشنا المشكله يقولي أني كل أسبوعين عند امي. تخيلوا مابينا الا عشر دقايق. واروح كل أسبوعين. وشايف انه متفضل. وطبعا لازم مقدمات قبل كل مرررره اروحها. السوق يابنات مأساة معه المشكله أني ادلعه وأحاول أسعده. بس هو يبغى وحده ما تطلع السوق الا ف الأعياد وما ازور امي الا ف الشهر مرررره وعاد هي وحيده. ايش أسوي معه تعبت من ذا الطبع. يعني مااروح عند امي او أختي او السوق الا بعد طلب اياااام وزعل وهوشه واذا جيته بأسلوب لازم انذل واترجاه. مين زي وكيف أغير ذا الطبع. انا فهمته أني شخصيتي ما أحب جلسة البيت والحكره ع الأقل مرره ف الأسبوع زياره نطلع انا وهو ساعه. تصدقون ماتتخيلون كيف تتغير نفسيتي. لاني جالسه ف شقه غرفتين ومطبخ فمكتومه