استخيري واستخيري واستخيييييري واكثري من الاستغفار بنية تكملة الدراسة وان يرضى ز وجك عليك
اذا كان زوجك طيب ففكري لا تخسريه كل بالصبر والدعاء يصير
والله يهديه ويسخره لكي وعسى ان تكرهوا شيء وهو خير لكم وعسى ان تحبوا شيء وهو شر لكم
وعسى ان تكرهوا شيء وفيه خيرا كثيرا

شوفي بشطارتك بتحصلين الثنتين

زوجك سوى هالموال كله بقصد لفت نظرررك

يبيك تهتمين فيه وتلفتين له

كثير ازواج لما تنشغل الزوجه مع اهلها او في دوامها ينكد حياتها

ومجرد ما تنتهي هالمشاغل والله تلاحق وراه ما تلقاه


شعور غريب يحسون هم فيه ما يبيك تنشغلين بشيء غيره


بتقولين وش اسوي .؟

أقولك ,,

بالبدايه من تدخلين البيت اعتبري نفسك مو موظفه

واساليه عن كل شيء وش سوى بدوامه وش صار معاه اليوم كيف موده


دلعيه بالكلام , لسانك خليه يقطر عسل حسسيه انك لولاه ما حصلتي وظيفه ولولا حبه لك ما قدرتي تنقبلي بالامتحان ولولا انه يدعمك ما قدرتي تشرحي لطالباتك

لما تجي تحضري حاولي قدر الامكان شغل الجامعه كله في الجامعه يعني حاولي تخلصي اشغالك هناك عشان لما ترجعي تتفرغي لبنتك وزوجك

واستشيريه كثير ,

يعني لما تواجهك مشكله بعملك ( حتى لو انك تصرفتي وحليتيها ) تعالي كانك صاكه بك الدنيا وانه هو المنقذ لك

وقولي يا فلان والله اني عارفه مالي غيرك صار معي كيت ومالي الا انت وش اسوي كيف اتصرف كيف اتعامل مع هالبنت

لما تبحثي عن مراجعك وكذا اطلبي منه يساعدك ويقترح عليك وفعلا خذي برايه لو تمثيل حتى لو ما اقتنعتي فيه


فيه رجال كثير يخاف لما زوجته تتفوق وتحصل وظيفه كويسه يخاف انها تتخلى عنه او ما عاد تحتاجه
فعشان كذا باستمرار حسسيه انك بدونه ولا شيء ولو يفارقك الدنيا ما عاد تسوى عندك شيء

انه هو كل حياتك وانك بدونه ما تقدري تتصرفي بالعربي انفخييييييييييييه


وخليه يحس انه ملك على عرشه

وبالنسبه لشغل البيت


جيبي خدامه بالساعه لو رافض
خدامه


وحاولي تنظمين وقتك عشان ما يمسك عليك شيء وعلى فكره هو ما قصده بيت لا هو جالس يضغط عليك بعذر انك مقصره ولا هو ما همه

أختي الحبيبة لاشك ان الدراسة مهمة جدا وخاصة ماشاء الله انك متفوقة

كما انها سلاحك ....والعلم يرفع الانسان ويعطيه مكانة خاصة اذا كان علم نافع يستفيد منه المسلمون

اختي الحبيبة نسبتك عالية لاتتوافق إلا مع دراسة عليا ومركز كبير فلا تضيعينها في انتصبحي معلمة وفي امكانك ان تكوني

اكثر من ذلك ....

لكن لانختلف في مسألة حقك زوجك ووجوب طاعته .....

ولا احب ان نضع مقارنة اما زوجي او دراستي لالا لما لانجعلها زوجي ودراستي .....

اختي استعملي الذكاء الانثوي وتعالي لزوجك من باب اللين واصبري حتى يلين لك وفي نفس الوقت غاليتي دبري امور بيتك

مثلا غذاءك سويه بالليل مثلا ..بيتك نظفيه مرتين بالاسبوع دام ماعندك اطفال .....أعرف ان الماجستير متعب وبحث وتصحيح

وووو ..لكن فترة وتنتهي وتقطفي ثمار نجااااااحك ..أختي لكل شئ ضريبة كوني ذكية لاتفرطي لابزوجك ولا بدراستك

حاولي كسب الاثنين وبإذن الله تقدرين .....بس يبغا لها شوية تفكير وحكمة

أسأل الله عزوجل أن يسخر لك زوجك وان يبلغك مرادك يا الغالية

استخيري قبل اي قرار تتخذية
والله يختار لك الطيب

نصيحتي دراستك ووظيفتك بالذات لاتتركينها سلاحك بالدنيا بعد الله
واطفال في الوقت الحالي لاتجيبين
اعرف وحده ماكملت دراستها والحين زوجها مايصرف عليها وهي على ذمته الناس تتصدق عليها
ماتدرين وش يصير بالدنيا
خلصي الماستر وارتاحي شوي بعدين كملي الدكتوراه
غداك من الليل سويه وجهزي سفرتك واذا جاء من دوامه خليه يسخنه
زوجك لازم يتعاون معك
اقنعيه ولاتياسين
الله يهديه ويسخره لك