زوجي وااايد تعبانة منه

السلا عليكم
بنات حصلت مشكلة بيبني وبين زوجي المشكلة اساسها كانت خطاء مني واعتذرت منه هو رضى وقال خلاص مالو داعي ندخل الشيطان بيننا ونكبر المشكلة وتصافينا
ولكن بعد هالمشكلة حسيته جاف معاي يعني مايمزح مثل دايم واغلب الوقت يا يدرس او يكمل بحوثه على الكمبيوتر مافي اي كلام كأننا اصدقاء مو اثنين متزوجين
سئلته كم مرا فيه شي قال لا ظغوط دراسة بس لاتشيلي همي او روحي نامي انا راح أذاكر طول هالوقت
اخر مرا سئلته بجدية شنو فيك
خبرني
ليش انت جاف معاي
نحن متعودين على الصراحة مع بعض
قال الموضوع او المشكلة اللي حصلت لغاية الان مأثر علي حتى لو سامحتك انا مو قادر أشيلها من بالي
قلت له انا اعتذرت قال
معاك حق انتي اعتذرتي لكن انا لغاية الان هالشي حاز بنفسي وقاهرني انا حاول ابعد عنك ذيك الفترة عشان ماصارخ عليك او اجرح مشاعرك بشي
رحت قلت له وانا أيش بيدي انا غلطت وأعترفت بغلطي وأعتذرت
قال خلاص قفلي الموضوع
خلينا ننام الان وبعدين نتناقش
رحت انا زعلت وقلت له ماراح انام معاك
اخذت أغراضي ورحت غرفة ثانية
هو اعطاني نظرة وراح للغرفة ونام
طول ليلي كنت أبكي انا حصلت لي ظروف كثيرة منها اني بعيدة عن اهلي ومالي احد بعد الله غيره
وهو انسان ماقصر معاي بشي غير ظغط دراستي
لما جاء الصباح
اول ماشافني قال افطري عشان اوصلك للجامعة
قلت له انا رايحة مع صحباتي راح يمروني
قال على راحتك
وطلع بدون مايودعني مثل العادة او يقول لي كلمة يراضيني فيها او اعتذار
رحت الجامعة ونفسيتي تعبانة ومو مركزة وكان عندنا اختبار قصير ماحلييت عدل
لما جييت بخرج قالو البنات خلينا نتغد في مطعم وبعدين كل وحدة تروح بيتها
انا قلت خليني أروح معاهم اغير مزاجي وابعد عن جو زوجي شوي
رحت ووحدة من صديقاتي قالت بتمر على محل جنب بيتي وبيتها مو بعيد وطلبت اروح معاها
رحت معاها وخلصت اغراضها
في هالاثناء كان يدق على جوالي المرا الاولى طنشته وماردييت وحطيته سايلنت
لما قربت من البيت شفت جوالي 7 مكالمات لم يرد عليها
المهم دخلت بيبتي
وهو قابلني قال شنو فيك صار لك شي
قلت لا
بعدها لاول مرا يخاصمني زوجي ليش ماتردي ووين كنتي وتحقيق
وصار يصارخ انا تركتك على راحتك
اعصابي تلفت وانا أنتظرك وكسر التحف اللي على الطاولة انا تفجأت وخفت منه
رحت انا دخلت الغرفة
وقفلت الباب وجلست أبكي
وهو يدق الباب أفتحي لا اكسره على راسك
رحت قلت له روح عني قال مو طالع والله لاكسره على راسك انا تحملتك بما فيه الكفاية
والله يابنات تميت مرعوبة وجسمي حييل يرجف
هو من يوم ماتزوجت عمره مازعلني او صارخ علي كانت تسيير بيننا مشاكل مايخليني انام الا وانا راضية هالمرة مدري شنو فيه
بعد شوي سمعت صوت الباب الخارجي للشقة
عرفت انه خرج
خرجت من الغرفة وكلمة ماما بس ماخبرتها عن الموضوع
لكن عرفت اني متضايقة من صوتي وطلبت زوجي تكلمه قلت لها مواعد ربعه يطلعون لمطعم

انا ماودي نتم زعلانين طول هالوقت من بعض
انا مالي غيره بعد الله
ويعلم الله انكم مثل اخواتي


انا بجد بجد نفسيتي تعبانة مو عارفة ايش الموضوع
وليش يتصرف معاية جذي


بالنسبة للطلعات للسوق والمطعم زوجي تارك لي الحرية ولا يحاسبني ابدا على هالشي
يعني ماعتقد بيزعل عشان طلعت للسوق بدون ماخبره