السلام عليكم
سأدخل في موضوعي مباشرة باختصار للمشكلة
زوجي مخاصم اخواته من اكثر من سنة بسبب ان زوجي اكتشف ان اخته تكلم شباب ونزل عليها ضرب فقامت امه واخته يباعدون بينهم ويدافعون عن بنتهم مع إنها كانت غلطانة ...ومن يومها امه زعلانة على اللي سواه لكنه راح وراضاها وصار كل شيء تمام...بس باقي اخواته...كلهم واقفين ضده وكأن اختهم ماسوت شيء.
والمشكلة ام زوجي قامت تحكي لبنات اختها باللي صار وطلعت زوجي الغلطان وانه يتهم بناتها ويشك فيهم ووو...وهم قاموا يقولون هذا وهو مطوع يسوي كذا!!!
المهم من ذاك اليوم ماهم راضيين يسلمون عليه ولا يكلمونه ولا زارونا في بيتنا لا في رمضان ولا العيد...ويشهد الله أن زوجي حاول اكثر من مرة يسلم عليهم حتى يبري ذمته امام الله لكن مايعطونه وجه ابد.
وإذا جينا عندهم قاموا ودخلوا غرفتهم وصكوا الباب وقعدت انا وزوجي وامه لوحدنا..
هذا كله طبعا صار في بيتهم لكن انا دريت باللي حصل ...بكل شيء... انا حقيقة عرفت من قبل زوجي يكشفها لأنها مرة دخلت على حسابها في سكايبي من جهاز الجالكسي تبعي بس ماعرفت كيف تقفله...ومن بعد ذاك اليوم تجيني اتصالات من شباب وكذا وانا انصدمت لكن ماعرفت كيف اتصرف...لكن طبعا عملت حالي مو عارفة وزوجي طبعا ماخبرني...المهم الحين ابي طريقة اصلح بينهم...مهما كان هم عمات بنتي وما يهون علي تصير قطيعة بينهم وبين أخوهم...هل ينفع ادخل في الموضوع احد من برة...خالهم مثلا...بس الموضوع حساس ويمس شرف البنت...وجهوني بحل صحيح ربي يخليكم..
أم رزان العسل @am_rzan_alaasl
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ولا تحملي العواقب ..
والله يهدي الجميع