زوجي واخوانه محتاجه مشورتكم

السلام عليكم ورحمه الله وبركاته
يابنات ابيكم بموضوع مهم هو يخص زوجي اكثر من يخصني انا لكن محتاجه مشورتكم او يمكن وحده مر عليها نفس الموقف تقولنا وش نسوي
السالفه ومافيها انه زوجي عنده اخوان 5 من ابوة و2 بنات وابوة مطلق امه من زمان طبعا خوانه وخواته من ابوة يكرهوة بدون سبب مرت ابوة كرهتهم فيه بقوة ولكن هو ماقطعهم نهائيا نزورهم كل شهر تقريبا مع انه كل مره يصير موقف او مشكله سببها جدا سخيف وابوة دايم واقف معاهم ضد زوجي
مثلا مره مرت ابوة تقول له ولدك شاف ولدي ولا سلم عليه يكون زوجي شايفه من بعيد بالسياره وهذاك مايطلع بوجهه كيف بيسلم عليه
ومره نفس الموقف شفتها مع بناتها بجمعه حريم وسلمت عليها وعلي الكل وراحت تقول لعمي مرت ولدك قليله حيا ماباست راسي طيب علي أي أساس ابوس راسها
ومره بنتها تبي مستشفي ودقت علي لانه ماعندها رقم زوجي وقلت لها حاضر بقول له يوديها بس يجي من شغله مع انه عندها 3 من اخوانها عندهم سيارات وعلمت زوجي ووصل بعد ساعه من اتصالي عليه ويوم وصل لقي اخوة موديها من زمان وتصير مشكله وترجع مرت ابوة تكلم ابوة وولدك مايبي يوصل بنتي المستشفى ويكره عيالي وهذي حالتنا معاهم كل شهر مشكله جديده ويرجع زوجي يتسامح من ابوة عشان لا تصير قطاعه
اخر مره من أسبوع تخيلو رحنا نزورهم وأبو زوجي طلب من زوجي يكفل اخوة بقرض من البنك بقيمه 100 الف فزوجي رفض بأسلوب حلو وقال له مااقدر اكفلك انا علي قرض أساسا كيف بكفلك وقام اخوة يصارخ عليه ويقول له روح هات ورقه انه عليك قرض وانت كذاب وانت ماتحبنا وماتبي تساعدني وطلعت نيتك الشينه وكلام عيب ينقال وابوة ساكت بس يتفرج وقام اخوة طرده من البيت وعمي ساكت برضو فقام زوجي وقال له هذا بيت ابوي ماحد يطردني منه قام له ابوة وقال له كلام اخوك صحيح ويالله اطلع بره زوجي طلع علي طول ودق علي وقال لي تعالي بره مامداني البس النقاب الا اخو زوجي مدرعم علينا بالمجلس وقال لي روحي لزوجك يستناك بره انا انخرشت وخفت وطلعت بسرعه ولا علمت زوجي انه دخل علينا أساسا لا تكبر المشكله
الحين زوجي مره منزعج من موقف ابوة معاه ويفكر يقاطعهم نهائيا ولا عاد يشوف خلقتهم وانا معاه لاني حتي انا انضريت من خواته ومرت ابوة لكن ماودي انه يقطع ابوة بسبب هالشي وهو مره شايل عليهم ومعند ياريت تنصحونا او تقولو لي كيف اتصرف حاسه روحي ضايعه وزوجي ماغير سرحان ومتضايق ويفكر ادعو لنا ينحل الموضوع علي خير