hoody_20 @hoody_20
عضوة جديدة
زوجي واخواني
السلام عليكم يا بنات انا عضوة جديدة وعندي مشكلة منكدة علي حياتي الموضوع وما فيه ان انا من تزوجت قبل ستة سنوات وانا متعذبة زوجي عصبي حيل وشكله اصلاً يخوف طويل مره زي لاعبين كرة السلة وعضلات وضخامة الجسم كأنه عملاق وانا كنت خايفة منه وقت الخطوبة لكن قدر الله وتزوجنا المه زوجي عصبي حيل يصارخ ويضرب على اتفه الاسباب حتى ولدي الصغير صار لما يشوف ابوه يركض ويتخبى وراي وابوه مرة عصب عليه يقول ليش الولد يخاف مني وانتي تربينهم على كرهي ومدري ايش موب صاحي يا بنات المهم هو دايم يعصب ويضرب على اتفه الاسباب ما كويت ثوبه يضربني ما كويت الشماغ او ما حطيت فيه نشا يضربني ما كثرت اكل على الغداء يضرب ولو لا خالتي اللي هي ام زوجي الله يحفظها تهزأه وتهاوشه اذا ضربني كان انا ما صبرت وهي طيبة حييل وتحبني وتحب عيالي وتقول ان زوجك هو اكثر واحد من عيالها عصبي من يوم انه صغير المهم قبل اسبوعين كنت زعلانه في بيت اهلي بسبب ضربه لي ورحت شكيت لابوي وامي وهم كبار بالسن ويقولون لي مثل اغلب الامهات والاباء ان الحرمة مالها الا بيت رجلها وانتي متزوجة وعندك اطفال وحامل تجين عندنا وين وعندي اثنين اخوان متزوجين وساكنين في بيت ابوي واخواني لما يشوفوني مضروبة من زوجي واشكي لهم يقولون فكينا من مشاكل انتي وزوجك احنا مالنا دخل كل يومين مزعجتنا ما عندنا شغل غيرك طيب انا من يفزع لي ويوقف معاي اذا اخواني ما فزعولي فزوجي كلمني يقولي ارجعي للبيت لما كنت زعلانه وعند اهلي قلت له اذا عندك كلام تعال كلم ابوي واخواني تدرون شقال يا بنات قال لي ان ابوك على عيني وراسي اجيه واكلمه اما اخوانك رخوم وخكارية ولا فيهم مرجلة لأنهم يدرون ان اضربك وساكتين ولما اجي ازور امك وابوك ما ينزلون للمجلس عندي بس قاعدين عند حريمهم فوق ، قهرني بهالكلام وعلمت ابوي وابوي من النوع اللي يحب زوجي ويعزه ويعتبره ولده ودايم لا شكيت له يقول الرجال ما يحب المره اللي تتشكى واللي وووالخ ودايم لا جاء زوجي ابوي يسولف معاه ويتقهوى ويطنش وينسى اني متهاوشة مع زوجي ، المهم قبل ٤ ايام سمعت زوجة اخوي واخوي يتهاوشون واخوي كان بيضربها لين هي قالت ايه شاطر علي لو انك رجال كان ما دبغك زوج اختك وانت جاي البيت وجهك متصفق ومليان دم وهذي سالفة قبل زعلي باسبوع شفت اخوي وجهه مضروب وسألته قال لي تضاربت مع ثلاث شباب في الشارع حدوني بالسيارة وانا صدقته لأن الشباب كذا دايم مضاربات وطلعت السالفة ان زوجي كان عند ابوي بسبب ان ابوي متصل عليه يبيه يجي عشان ابوي كان مسوي عزيمة رجال ويبي زوجي يكون حاضر واخوي دخل عندهم بالمجلس وكان يبي فلوس من ابوي وصار بينهم شد وجذب وعلى كلامهم ان اخوي صار يصارخ ويرفع صوته على ابوي وزوجي تدخل وضرب اخوي وعرفت وقتها ليش ابوي واقف في صف زوجي ويبيني ارجع له عشان زوجي فزع له على كلامه وضرب اخوي اللي صارخ عليه وقبل كم يوم لما جاء زوجي وكلم ابوي ، ابوي هالمرة تكلم معه بخصوص مشكلتنا وابوي اصر اخذ عيالي واغراضي وارجع معاه وصار له كم يوم ما يصارخ ولا يضرب ولا حتى اسلوبه زي قبل وانا متخوفه يرجع لعادته القديمة لأن امه عندنا ساكنه تحت وانا صرت اجلس عندها كثير عشان اتحاشى زوجي عشان كذا اتوقع بسبب قلة جلوسي مع زوجي خفت المشاكل لكني خايفة عقب فترة يرجع يضرب فيني وخصوصاً اني حامل بالشهر الثاني اخاف يصير بالجنين شيء مو خايفه على نفسي كثر خوفي على الجنين ، ادري موضوعي ملخبط بس والله ما اقدر اعبر عن مشاعري احس بهم وحزن وزاد حزني وهمي بعد ما حملت بالطفل الثالث وانا كنت شايلة هم اثنين الحين صاروا ثلاثة
32
3K
يلزم عليك تسجيل الدخول أولًا لكتابة تعليق.
الراقية
•
وعليكم السلام مرحبا بك بموقعنا
...
لمتى الأزواج يضربون زوجاتهم ويسكتون و يتغاضون اختي مالك إلا الشرطة تأدبلك أياه خصوصاً انه عيلتك
ما ارتحت لهم مره فالأنسب لمشكلة كبيرة هو تدخل الشرطة بحيث أن يسجن كم شهر ويدفع لك غرامة او فلوس للضرب الي اكلتيه منه
و مسكين ابنكم زعلت عليه
ترا تصرفات الأب تأثر بالابن وممكن ابنك لو كبر يصير فيه مشاكل نفسية او يتعلم من تصرفات ابوه
...
لمتى الأزواج يضربون زوجاتهم ويسكتون و يتغاضون اختي مالك إلا الشرطة تأدبلك أياه خصوصاً انه عيلتك
ما ارتحت لهم مره فالأنسب لمشكلة كبيرة هو تدخل الشرطة بحيث أن يسجن كم شهر ويدفع لك غرامة او فلوس للضرب الي اكلتيه منه
و مسكين ابنكم زعلت عليه
ترا تصرفات الأب تأثر بالابن وممكن ابنك لو كبر يصير فيه مشاكل نفسية او يتعلم من تصرفات ابوه
رغد
•
الراقية :
وعليكم السلام مرحبا بك بموقعنا ... لمتى الأزواج يضربون زوجاتهم ويسكتون و يتغاضون اختي مالك إلا الشرطة تأدبلك أياه خصوصاً انه عيلتك ما ارتحت لهم مره فالأنسب لمشكلة كبيرة هو تدخل الشرطة بحيث أن يسجن كم شهر ويدفع لك غرامة او فلوس للضرب الي اكلتيه منه و مسكين ابنكم زعلت عليه ترا تصرفات الأب تأثر بالابن وممكن ابنك لو كبر يصير فيه مشاكل نفسية او يتعلم من تصرفات ابوهوعليكم السلام مرحبا بك بموقعنا ... لمتى الأزواج يضربون زوجاتهم ويسكتون و يتغاضون اختي مالك إلا...
معك حق 👍👍
hoody_20
•
الراقية :
وعليكم السلام مرحبا بك بموقعنا ... لمتى الأزواج يضربون زوجاتهم ويسكتون و يتغاضون اختي مالك إلا الشرطة تأدبلك أياه خصوصاً انه عيلتك ما ارتحت لهم مره فالأنسب لمشكلة كبيرة هو تدخل الشرطة بحيث أن يسجن كم شهر ويدفع لك غرامة او فلوس للضرب الي اكلتيه منه و مسكين ابنكم زعلت عليه ترا تصرفات الأب تأثر بالابن وممكن ابنك لو كبر يصير فيه مشاكل نفسية او يتعلم من تصرفات ابوهوعليكم السلام مرحبا بك بموقعنا ... لمتى الأزواج يضربون زوجاتهم ويسكتون و يتغاضون اختي مالك إلا...
اختي لو رحت الشرطة وبلغت عنه بيكون النتيجة يا انه بيطلقني وبرجع بيت اهلي وانا اهلي ما راح يتحملوني ومعي اطفال او انه بيضربني اكثر من قبل وهو الآن صار هادي عقب كلام ابوي بس ما ادري اذا بعد اسبوع او فترة بيرجع زي قبل وخصوصاً انه لما يرجع من الدوام ما عاد يصارخ ويطلب غداء او شيء لا يقولي حطي الغداء وينتظر انا متخوفه من تغييره ما اعرف احس فجأة يتغير كذا في إن مو معقولة عشان كلام ابوي تغير
الصفحة الأخيرة
دايم اقري في البيت
وحصني نفسك بأذكار الصباح والمساء
وادعي
الخوف والقلق ما يحل شيء
خليك قويه بالله