معقوله الراتب يروح من أول يوم ديون واقساط ,, ويتزوج ؟؟ من وين جاب المهر وتكاليف الزواج وبيت وتأثيث وغيره ,, مافكرت من المجهول اللي مرسل لك إنه تزوج وناوي يخرب بيتك ,, إنتبهي لاتخربين بيتك أو على الأقل تطلعي بأقل الخسائر ,, وأهلك لازم يعرفون ويقررون معك ..

الله يعينك ي رب
وانتي من الأساس ليش توافقين ظروفكم الماديه سيئه وفوق هذا كله
وقفتي معاه فترة علاجه على اي اساس توافقين!
وهو وش الأسباب اللي خلته يفكر بالزواج من ثانيه ظروفه الماديه وما تساعد و
وعنده زوجه ما قصرت معه ووقفت معاه بمرضه المفروض ما يجازيك
بالزواج .. أنا ما ابي أزيد همك هم بس هذا الوااااقع ..
شوفي ي قلبي سوي اللي يريحك اذا كان زواجه عليك مو مزعلك بس اللي حاز
بخاطرك الاستغفال ~ أنا برايي سواء خبرك او لا ما تفرق يمكن ماحب يواجهك
لكن اذا كانت راحتك انك تنفصلين عنه ~ خلاص اشتري راحتك وانفصلي عنه
وكفايه تضغطين ع نفسك مع واحد مايعرف يقدر الامور حق تقديرها ..

انا من رايي تجلسين في بيتك معززة مكرمة
وقولي له يروح يطس في بيته الثاني لفترة لاتشوفينه وقولي له لاااا يجي الا لمن تقوليله تعال
منها ترتاحين منه
ومنها تفكرين بهدوء
قولي لاعز وحده لقلبك ترتاحين لها تنام عندك الايام هذي اللي زوجك بيروحها تونسك وتسولوفن وتفرفشون وتفضفضين لها وتعصبين عليها وتهديك وتبكين وتمسح دمعتك يعني وحده عزيزة تتقبل كل مشاعرك بعدها بتحسين براحه فظيعه وتمشيك وكذا وبعدها خذي قرارك
اتوقع العيشه لحالك اريح من مقابل زوجك خليه هناك على طول مع السلامه ويعطيك المصروف الفلاني
انا لو تعرضت لذا الموقف متهيا لي كذا بسوي ومابشمت احد فيني يخسون الناس وهو اربيه بمزاجي على باله بيكون له زوجتين يروح هنا وهناك لااااااا يقعد هناك ولا عاد يجيني ويفضل فاتح لي بيت ويصرف علي وعلى اولاده غصبن عليه
الله يوفقك لما فيه الخير

قصدك اللي بيصحيها من غفلتها

لان البيت خرب وانتهى فوين المشكلة تعرف انها تعيش ببيت عنكبوت

عزيزتي تعوذي من إبليس

أنتي مو ضد إنه يتزوج لكن ضد إستغفاله لك وإنه خبى عنك ....

بس من كلامك وردت فعلك زعلتي على زواجه سواء كان بعلمك أو من وراك ....

يعني أنا ما أدري أنتي وش إلي فبالك ألحين ؟!!!!!!!!

هو فكرت الزواج براسه وأنتي عندك علم وسواها فالأن وحده من إثنين

يا تروحين لأهلك وتجلسين فتره لين يراضيك ويطيب خاطرك وترجعين لبيتك وتحاولين تكسبين زوجك

أو إذا ما تقدرين ولا عندك إستعداد تتحملين سوي إلي يريحك ....

بس نصيحه بما إنك موافقه على مبدأ الزواج وأعطيتيه الضوء الأخضر تحملي النتايج ولاتخربين بيتك
بيدك واضح إنه يعزك والدليل رفضه الطلاق لو ما يغليك كان قالك روحي لأهلك ....

فكري بهدوء ولما تروقين ألحين ماتقدرين تتخذين قرار سليم وأنتي متنرفزه