زوجي وافض اسوق ويقول السواقة تناسب جيل الافيه بنات الثانوي والجامعة

السلام عليكم


بنات انا من مواليد ٨٨ يعني من جيل الثمانينات وعاطلة ومتزوجة


سجلت بالقيادة بدون علمه لي ٤ شهور والبارح بالسيارة كنا نسولف وحكالي عن سواقة بنت طفشته ماتعرف تسوق ومن هالكلام


المهم قلت له اني سجلت وناوية اطلع رخصة ورفض يقول ماعندي حريم يسوقون


ومن تفاهم لتفاهم قال اساسا السواقه احس ماتصلح الا لبنات هالجيل تناسبهم بس بنات الثمانينات واللي اكبر اشكالهم غلط




احس قهرني وجرحني وانا اساساً ما ابغى الرخصة الا للضرورة فقط لو توظفت اروح وارجع لبيت والحمدلله ماني راعية اسواق ومقاهي وزوجي عارف هالشي من يوم تزوجنا طلعاتي للسوق والمقاهي والجمعات قليلة لاني السوق احب اروح له اذا لي غرض والمقاهي ماني راعيتها كثير


تأيدون اطلع رخصة بنات ولالا !!


احس اني اشوفها زي الوظيفة امان للمرأة تعتمد فيه على نفسها اذا جارت عليها الدنيا