زوجي والاربعين آه بس//تم الرد

السلام عليكم 

اول مره ادخل هالقسم وفرحت كثير اني 
اقدر اطرح مشكلتي عندكم لاني مقهوره 
ومحتاجه مساعده وماحبيت اقول لاحد الموضوع 
الحمدالله شفت هالقسم بالصدفه عشان 
اشوف رأيكم بكل صراحه .. 

ابدأ احكيكم قصتي .. 
انا متزوجه من 3 سنين وتأخرت بالحمل والسنه الثالثه من زواجي كشفنا وكان العيب 
عند زوجي وقالو مافي حل غير الحقن المجهري يعني طفل انبوب 
زوجي رفض بس انا اقنعته وقلت ماراح اعيش من غير طفل لاتحرمني من هالحلم 
المهم سويناها واللهم لك الحمد ربي رزقني 
بالحمل وتعبت كثير فتره حملي تعرفون حمل 
عزيز لازم راحه تامه ومثبتات طول الوقت ومافي طلعه من البيت ولاسافرت ولاشي 
طول وقتي كنت خايفه عشان هالحمل خفت افقده لانه حساس بس مع الدعاء والصلاه 
والاستغفار ربي تمم لي حملي الحمدالله 
ولما ولدت كنت بطير من الفرح حلمي تحقق وولدي بين يديني يالله يالله فرحه عجيبه
ثاني يوم من ولادتي قالو لي ولدگ مريض 
ويحتاج ندخله الحضانه المركزه ولازم نحوله 
ع مستشفى حكومي بااسرع وقت عشان 
محتاج عمليه ضروري طلع ولدي مريض قلب
عنده 5 مشاكل بالقلب 3 بالشرايين و2 ثقوب 
طبعا مايحتاج اوصف لكم احساسي وشعوري 
يارب رحمتك صدمه قووووويه تمنيت مت قبل 
اشوف هالموقف صرت منهاره موعارفه وش اسوي واهلي منهارين وزوجي وكل الي يعرفوني المهم تحول ولدي ع المستشفى 
وعمل العمليه وجلس بالمستشفى شهر كامل 
وانا كل يوم اروح اطمن عليه ممنوع اشوفه 
بس اكلم الدكتور واوقف ورا باب العنايه 
اقلها يحس بوجودي جنبه والحمدالله عشت 
ايام صعبه بين حزن وخوف ودموع ونفسيه 
سيئه ونفاس بس ربي رحيم كنت اتصبر 
بالاستغفار والقران والدعاء والحمدالله ربي 
استجاب لي والحين ولدي بين يديني الحمدالله طبعا محتاج علاجات ومتابعه وعمليه اذا كبر ادعوه له بالشفاء وان ربي يخليه لي 
المهم انا جالسه ببيت اهلي عشان ولدي مريض 
وامي تساعدني فيه واختي المشكله كانت 
علاقتي بزوجي كويسه نوعا ما يجي يزورني 
انا وولده وقلت له عادي اجلس عند اهلي كم 
يوم عشان ولدي يبي له عنايه واهتمام وانا 
مااعرف زين واخاف بس ابكي ع ولدي 
قال طيب وانا بجي ازوركم كل يوم المهم 
وانا حامل كنت دايم اقول لزوجي ابي هديه 
اذا ولدت احنا عادتنا كذا وكل اهلي كذا 
لانه هو مايعرف هالشي اخواته ماينبهونه 
وخفت اتفشل عند اهلي المهم يوم خلصت 
الاربعين ارسلي رساله اني اشتقت لگ 
وتمنيت تكوني معايه بهذا اليوم وبعدها جلس 
يومين ماجا انا انقهرت كنت بموت اتوقعت حيجيب الهديه او ع الاقل زي ماكنا متفقين 
يجي ياخذني ونروح مكه يوم او ع الاقل 
ياخذني البيت ليله مو يستهتر بالموضوع 
بعد يومين جا عندنا وكان يصادف يوم مولدي 
قلت شكله بيفاجأني ويجيب الهديه او يعزمني 
بس جاء ولا كان فيه شي ويسولف عادي 
ولافكر في شي ابد انا طبعا انقهرت وكنت 
حموت قلت معقول مايسوي لي ولاشي 
بعد كل التعب اللي مريت فيه وكل التضحيات 
يعني من جد قله ادب ماتوقعتها منه ابدا 
المهم كان يتكلم بموضوع ثاني ونتتاقش فيه وعصبت عليه 
وزعلت سويت نفسي زعلت من نقاشنا وانا 
زعلانه ومحروقه من تصرفاته 
بعد ماراح ارسلت له قلت لاعاد تجي ولااشوفك حاول يسألني ليش وان النقاش 
مو مستاهل تزعلين ولارديت عليه المهم كان 
يجي كل يوم يشوف ولده وانا مااطلع له 
وقلت لاهلي لاتدخلون وامي عرفت السالفه 
وزعلت تقول ليه ماعنده احساس فيه رجال 
مايجيب لزوجته هديه الاربعين ويقدر يصبر 
عن زوجته كل هالمده انا ماعرفت ارد ع امي 
انحرجت ترى امي ماعمرها تدخلت بحياتي 
بس هالمره زعلت من حركاته 
المهم خليته يمكن3 اسابيع مااقابله ولاارد ع 
اتصالاته ولا رسايله وهو كل يوم يحاول يعرف 
وش فيني وانا موقادره اقوله وموعارفه كيف 
اتصرف معاه مررررره قهرني 
وجالسه افكر ماارجع له لانه مايستاهل كل 
اللي سويته عشانه 
علما ان اخوه متزوج ويعرف الاصول 
وسوا لزوجته كل شي وانا حكيت زوجي 
يعني زوجي عنده خلفيه بكل شي بس اول 
مره يتصرف معاي كذا والله اني طفشانه 
مايسليني الا ولدي بس احس فيه شي ناقص 
انا وزوجي انتظرنا هالطفل فتره حملنا بفارغ الصبر كان نفسي نعيش سوا هالايام واشوف 
الفرحه بعين زوجي بس هو الله يهديه خرب 
كل شي 
انصحوني يابنات
الحين خلصت شهرين ونص من ولادتي ..