زوجي والافلام الاباحيه والبنات

السلام عليكم
اللهم بلغنا رمضان واحنا باتم صحه وعافيه
بدخل في الموضوع على طول انا ليا متزوجه سنتين والحمدلله زوجي معاملته جدا كويسه معايا
في بداية الزواج اعترفلي انو كان له علاقات مع بنات بس الحمدلله تاب وصدقته وبعد فتره اكتشفت انه بينه وبين وحده رسايل وقالي دي البنت مهي راضيه تبعد عني مهما سويت لها فصرت احاول سااعات ارسل وساعات اطنش لين الحمدلله انقطعت العلاقه معاها صح على فكره زوجي مايحبني افتش جواله ابدا ويسويلي مشكله ان فتشت انا من وراه شوفته المهم بعد فتره برضو رجعت شوفت جواله وطلعت عنده بنت في الواتس وراسله صورها معنو لما شفت المحادثات ماطلب منها انها ترسل بس ساعات يقولها يا الغاليه ومره حبيتي طبعا وقتها جنيت وقولت خلاص بطلق منه بس الحمدلله قمت صليت قيام الليل وجلست ادعي ربي وبعدين جيت اتكلم معاه عادي مدري كيف مسكت نفسي وكنا نتكلم عادي وبعدين قولتله انو احبك وﻻ ابغاك ترجع زي اول بنات ومدري ايش وحلفته ان كان احد عنده بالواتس قام قالي صراحه عندي وحده وهيا بدات في الكلام البنت لسا في الثانوي وطلع عندها مشاكل وجالس انصحها وحتى هيا رسلت صورها من غير ما اقولها وقال حتى شوفي صورها طبعا انا سويت نفسي ما شوفت شي وﻻ داريه عن شي المهم صدقته وكان الله يهديه مهمل في صلاته ويشوف افلام اباحيه وقالي انا احاول قد ما اقدر ابطل وبالعفل بعد فتره ماشاءالله صار يصلي ومسح كل شي عنده من صور وافلام وحتى لما يتكلم في الواتس وانا جنبه عادي يخليني اشوف عكس اول ما كان يخليني اشوف ابدا ويتضايق ودحين للاسف رجع زي اول ويشوف صور وافلام وخايفه يرجع للبنات وكم مره انصحه يقولي ﻻ مارجعت ولما اقوله اﻻ انا شفتك يقولي ليه اللقافه ويسولي مشكله كبيره مالها ﻻ اول وﻻ اخر بس صلواته محافظ عليها
اخواتي الله يسعدكم انصحوني كيف اتصرف معاه ما ابغاه يرجع للحرام انا ماصدقت يبطل ساعات افكر اتطلق منه بسبة دا الشي
سامحوني طولت عليكم