زوجي والانترنت

السلام عليكم ورحمه الله بنات انا املي بعد الله فيكم انكم تخرجوني من الازمه اللي انا فيها ابلغ من العمر 23سنه ومتزوجه منذ 4شهور الحمدلله اني انسانه فاهمه وواعيه اقوم بواجباتي الزوجيه كلها حتى في هيئتي ماأخلي زوجي يشوفني وانا غير متزينه له والبس له مايريد امامه فقط وماأنسى اغير في كل شي بالبيت علشان مايمل من الروتين المتكرر ودائما اسأله ان كنت مقصرة معه في شئ لأننا ايام الملكه تعاهدنا على ذلك وهو انسان رائع ومو مقصر معاي في شي بس مشكلتي معاه بدأت هذا الشهر من يوم مادخل الانترنت وهو مايقوم من فوقه دائما عليه واذا قلت له اقعد معاي شوي يقوم يزعل مني وهذا اللي صار قبل ثلاث ايام زعل مني لأني ساكته وهو قاعد على النت ويوم انطفى عليه فجأة قال ليش ساكته ماتسولفين قلت له انت قاعد ماتسمعني وعصب على وراح الدوام وهو زعلان واللي يقهرني اني اذا فتحت النت وراه الاقيه طالب رقص شرقي ورقص سكسي وخناث واحلى بنات وماني عارفه ايش اسوي لأني اذا قلت له بيصر يسوي الشي من وراي واذا سكت القهر والغيرة تاكلني بصدري وانا الحمدلله ماأشوف عليه شي بس اخاف يتغير فجأة واخسرة وهو نظام دوامه غير يعني يداوم 24 ساعه ويرتاح يومين وفي هذة اليومين اللي المفروض يكون لي فيها نصيب اخذة النت مني ومانجتمع الا على السفرة او عند النوم ساعدوني ارجعه مثل اول وكيف افهمه ان النت مو كل شي بحياته لأني اذا قلت له اقعد معاي انت طول الوقت عليه يقول انا ماقصرت معاك بشي وانتي تبغين تحتكريني عندك وما أتحرك من جنبك وانا والله مو كذا بس ابغاه ينتبه لوجودي بجنبه ونسيت اقولكم هو مايطلب المقاطع الفاضحه الا اذا اخذ اللاب توب معاه الدوام واذا كان بالبيت احيانا يطلب مني اقعد بجنبه ويقول لي انا افتح صفحات عاديه مافيها خصوصيه واجلس بجنبه بس اطفش هو ساكت يكتب مشاركات وانا بجنبه مو حاس بوجودي والمشكله ان البيت اخلص شغله بدري علشانه وفي الاخر يطنشني .......
بنات حسوا فيني انا تعبانه ننفسيا اذا كان كذا وحنا مالنا الا اربع شهور كيف بعد سنه ؟؟؟؟
بعدين يطلب مني ارقص له وانا اغاني ماكنت اسمعها عند اهلي بيجي يخرب كل شي تعودت عليه وبعد يتشرط الاخ يبيني ارقص عراقي ومصري اذا خليجي ماأعرف ارقص وشلون الباقي وبعدين قلت له ماأعرف ارقص بس صار يطالع اللي في النت:06:
لأني شرطت عليه الدش تنحذف كل الاغاني اللي فيه ووافق بس يبغاني ارقص وش اسوي ؟؟؟؟؟؟؟؟
واسفه على الاطاله ولك جزيل الشكر