زوجي والبروكر....وآآآآآه يا قلبي

السلام عليكم ورحمة الله وبركاته

أخواتي مشكلتي مشكلة ويا هالريال..وللأسف ما لي غير السكوت والصبر والدعاء...

مشكلتي إن زوجي راعي أسهم...( والله مادري أقول الله يوفقه فيهم وإلا الله لا فقه فيهم)...المهم

هو عنده بروكر ( الشخص اللي يبيع ويشتري له في السوق) والمصيييييييييييييييييييييييييييييييييبة إنها وحده مش واحد...

طبعاً الإتصالات ما توقف بينهم ...والأدهى والأمر إنها تقول له اتصلبي في أي وقت...وهو نفس الشي اتصلي بي في أي وقت...ما تتصورن إذا قلت لكم إنه أول ما يصحى من النوم يصبح عليها قبلي....هو دايماً يكلمني عن السوق وعنها...وإنه هو اللي يعلمها متى تبيع ومتى تشتري...(انعكست السالفة)...ودايماً يأكد لي إنها متزوجه ..( مادري هل هو يبغيني اطمن إنه مستحيل تكون علاقة بينهم..أو إنه يستغفلني..وهذا الأقرب لأن هذا الإسلوب اللي يستعمله معاي زوجي دايماً (اسلوب الإستغفال)
بس هالأيام...الخوف منهن كلهن المتزوجه والبنت....

والمصيبة إني انتبهت لخطوره هذا الشي...من كم يوم...كانت الساعة 1 ونص بعد منتصف الليل...دخلت تكرمون الحمام...وعقب ما طلعت ما لقيته...رحت أدوره ما لقيته جدام الباب...اتصلت عليه ما رد عليّ...وقفت اترياه عند الباب...

وهو ياي سمعت يناديها باسمها وينكت معاها...تخيلووووووووو..ويوم شافني انصدم لأنه ما كان منتبه لي...

قلت له فلانه (اسمها) شو تسوي في هالوقت...قال شو ؟؟؟فلانه؟؟؟ هذا أبو فلان...يعني يكلم ريال مب الحرمه...

عصبت ودخلت داخل الغرفة من الغيض وأنا أبكي وتوضيت وصليت ركعتين على شان أهدأ...طبعاً هو ما اهتم...يلست أترياه...كمل له أكثر من نص ساعة...طلعت أناديه...ما سوالي سالفه...رحت عنده وقلت له عطني الموبايل..ابغي أعرف منو تكلم...فحط التلفون على مكبر الصوت...وسمعت صوت ريال...

رجعت وإنا معصبه...لأني متأكده مليون بالميه إني سمعته يقول اسمها ويسولف معاها...ولأني دخلت عنه أكيد سكر الخط عنها وكلم صاحبه...

خليته ونمت وأنا أقول حسبي الله ونعم الوكيل...إن شاء الله أكون فعلاً ظلمته...وإنه صدق ما كان يكلمها...

بس هالشي مضايقني واااااااايد...أحس إن الحرمه خطر على حياتي...أنا عارفه زوجي واسلوبه مع الحريم...يحب يسولف معاهن ويضحك ويضحكهن...يعني ياخذ راحته على الآخر....

ومثل ما تعرفون ما اجتمع رجل وامرأه إلا كان الشيطان ثالثهما...

إن كنت ظلمته فاستغفر الله على هالشي...وإن كان فعلاً يسوي هالشي..الله يصلحه ويهديه

ادعو لي أخواتي إن الله يفكني منها..ويبعدها عن زوجي يارب...وما يحليها الشيطان في نظره

ادعو لي أخواتي الله يجزاكم الجنه...يعلم الله إني صابره عليه...وكاتمه في نفسي...ما أبغي مشاكل وياه لأني تشبعت من المشاكل وتعقدت منها....