ملهمتي
ملهمتي
ختي بلا بروكر بلا هم خلت الديرة من الرجال .......تصرفي بحزم قبل مايوقع الفاس بالراس وقبل ماينسج الحب خيوطه فيصعب فكها بعد ذلك....... اذا مااستجاب لك قولي له انا ابغى اصير بروكر حق رجال ثاني وراح اقوله دق علي اي وقت تبغاه وبقعد اسولف وانكت وياه ,,,,,,,مو انا البروكر حقه؟؟؟؟؟؟ولا تخاف راح اصير حق رجال متزوج واكلمه وانصحه .وشوفي ردة فعله.......مشكلتنا حنا الحريم نتغابى لمن يصدقون اننا اغبياء وحنا نبغى البعد عن المشاكل الله يبعد عن رجالنا الحريم الي مايخافون الله
ختي بلا بروكر بلا هم خلت الديرة من الرجال .......تصرفي بحزم قبل مايوقع الفاس بالراس وقبل ماينسج...
رأئي من رأئيها..بالإضافة لإنك تهتمين فيه كثير.. وزي ماقالو البنات إعرفي عن الاسهم وإفهميها تمام عشان تسيرين تشاركينه.. ومايمنع كمان إنك تزودين الحركات الرومانسية .. وماشاء الله البنات كتبوا مواضيع مرة جنان تعلمك كيف تطردي الملل من حياتك وكيف تكوني رومنسية وأشياء كثير إذا تبغي الروابط لأنا حاضرة باللي عندي..تحياتي لك وأتمنى لك حياة زوجية مثالية بعيدة عن المتطفلين.
دوناتة
دوناتة
الله يهديه,,,,,,, ويلهمك الصبر ,,
حبوبة العين
حبوبة العين
الله يهدي ريلج و يبعده عنهاا و يقربه منج و يحببه فيج و يحليج ف عينه .
مها الإمارات
مها الإمارات
قولوا آمييييييييييين

عسى الله يحفظكم ويسخر لكم أزواجكم...ولا يذوقكم اللي أذوقه...

يزاكم الله خير أخواتي على الردود...يجعله في ميزان حسناتك

بالنسبة للأخوات اللي قالوا لي صارحيه....
ما أقدر أصارحه لأني ياما صارحته إني أعرف عن خياناته...وما استفدت شي يجذب طول الوقت...وما عليه مني.....لا...ويجلب السالفة عليّ ويطلعني غلطانه...

وبعدين يمكن هو مب طاريه هالسالفة عليه,,,واسير أنا وافتح عيونه عليها وهو غافل

أما الأخوات اللي قالوا يمكن يكون متزوجنها...ما أظن لأن إمكانياته ما تسمح له إنه يتزوج...لكن الله أعلم..يسويها إن بغى ما يرده شي

والأخوات اللي قالوا تعلمي على الأسهم...

هذا فعلاً اللي اطلبه من زوجي,,,إنه يعلمني..وهو نفسه يقولي مرات بعلمج على شان تبيعين وتشترين لي...بس أخاف إنج تعصبين عليّ وعلى عيالج بسبب هالأسهم...
بس كل ما أقوله علمني...يقولي يلسي طالعي الأسهم وانتي بتتعلمين...أنزين أنا أبغي أفهم لها قبل ..عشان أعرف شو أطالع وأتابع في هالأسهم ...أتابع وأنا مب فاهمه شي...

يبغيني اتعلم بروحي ,,,كيف ما دري؟؟؟

وعلى فكره أنا بين فتره وفتره اسأله هاااا شو السوق؟؟...أخبار فلانه وياك مربحتنك وإلا مخسرتنك...

والأخوات اللي قالوا كيف متزوجه وزوجها ما يغار عليها.....
كيف يغار عليها...وهي كل ما تربح واحد تاخذ لها بالعشرة آلاف والخمسة آلاف درهم...

لأن زوجي يقول إن البروكر كل ما عطيته فلوس أكثر كل ما اشتغل لك أكثر....قلت له هذي رشوه...قال لا هذي عموله ياخذها البروكر على تعبه....والله أعلم...

والله يستر شو مخبيه هالأيام لنا...
totee
totee
اختي ام الخمائل الرجال مهما كبر يكون بقوته وكثير من البنات يحبون الرجال الكبار بالسن المريشين (يعني منعم ربي عليهم ).. وبعدين احنا خلاص من ندخل الخمسين الا الوحده بدت يالله تقول عمرها وهو تلاقيه بالستين ونشييط ماشاءالله ...اعرف وحده من قريباتي عمرها خمسين وتشوفينها كانها ام سبعين سنه من العيال والهم .. وزوجها عمره ستين ماشاءالله شباب ونشيط ويصبغ ويحب الحريم ويشخص ويهتم بعمره ..
وهذا القهر لين كبرت ولاعاد لي خلق حركات الاه هو جاته المراهقه المتاخره وتوه يبي يدلع عمره ويجدد شبابه ...