زوجي والبيبي

السلام عليكم
بصراحه يابنات محتاره كيف أبدأ لأن مخي مشوووش وتعبانه من وضعي واتمنى تشيرون علي بما فيه خير باذن الله
انا صار لي من ولدت ثلاث شهور
ومن بعد نفاسي الى الان وزوجي معي تمام ماعدا وقت النوم ماننام بغرقه وحده الا لما يكون يبغى شي براسه وبعدها يطلع
وكللللل هذي التصرفات بعذر انه مو حاب يتعب البيبي بالمكيف وهو مايقدر يستغني عنه وانا بصراحه تعبت من هالوضع وحاولت معه بكذا حل
قلتله عن فكرة الجهاز اللي نحطه عند البيبي بغرفته مارضى يقول حرام بلحاله
قلتله تعال نشغل المكيف وندفي البيبي قال ماترحمينه صغير بيتعب
وكل مره تصريفه
واحاول معه بدلع واوقات بدموع وابين حاجتتي له وماكأني اتكلم
واحاول اتزين طول اليوم واتقرب منه وبرضو مافي نتيجه ومشكلته كتوم دايم ساكت مادري وش بخاطره ..
شوروا علي وش الطريقه اللي اقنعه فيها ننام سوا بغرفتنا لأني متضايقه مره
ودعواتكم لي حبيباتي بتسخير زوجي لي