زوجي والتدخين

السلام عليكم ورحمة الله وبركاته
انايابنات قصتي قصه مع زوجي والتدخين من يوم تزوجت وانا احاول فيه انه يبطل احيانا يخفف واحيان يشرب علبه كامله في اليوم على حسب حالته النفسيه الله يهديه ان شاء الله
من تجاربي معاه:
كنت دائما اسمع ان فيه رجال بطلوا من تاثير اولادهم عليهم سرت بين فتره وفتره اذاكان يدخن اقول لبنتي تروح تقولوه يابابا الدخان حرام يطالع فيها ويضحك ويقول خلاص روحي وتنتهي السالفه او اذا جاء يبوسها تقوله ان ريحتك مو حلوه وسيله من وسائل الضغط
اول ماحملت ببنتي هذه كنت مره اتعب من ريحة الدخان في البيت فكنت اقوله لاتدخن في البيت روح اي مكان ثاني وفعلا صار يطلع برى الشقه يدخن ويرجع ولانه مايقدر يطلع دائما خف شوي ولكن لقيله حل وهو انه يدخن في الحمام الله يكرمكم تحملته فتره وقلتله اني ماعاد اقدر ادخل الحمام من الريحه واسوي روحي مخنوقه من الريحه الي في الحمام من الدخان يعني صرت بس وراه "ان كيدهن عظيم" صدق الله العظيم ابغى اضغط عليه واحاصره "حشا صارت حرب ههههه"
في الاخيركلمته في الموضوع ومزاجه رايق وقلت احنا مالنا احد غيرك واولادك محتاجين لك وانت بصحتك ومن هذا الكلام ووعدني انه يحاول يخفف وفعلا الحمد لله خفف كثير
ولكن انتكس من اول وجديد لما سافرنا مع هم الدراسه والغربه وصار يشرب الدخان بشراهه
كنت احيانا اخذ منه الدخان واكسره اوارميه بس يغضب مره ويعاند فعرفت انه هذه الطريقه ماتنفع معاه
الي عندها اي حل اوطريقه مجربه مع المدخنين تكفون لاتقصرون وتخذلوني لاني والله تعبت والحمد لله دائما انصحه وفي كل صلاه ادعيله ان شاء الله ربي يهديه ويصرف قلبه عنه واقوله قصص لمدخنين تابوا اوتعبوا من ورا الدخان انا الاحظه يتمنى يبطله لكن مع الضغوط الي عليه يرجع له
والي ماعندها حل تكفى تدعي له انه يبعد عن الدخان وان ربي يصبرني حتى ويبطل لاني بديت أيأس
اسفه طولت عليكم لكن من الي في قلبي الله يجزاكم الف خير