زوجي والتدقيق والتوجيهات

بنات وش الحل مع الزوج الي يدقق بكل صغيرة وكبيرة ويتلقف بكل شي وشايف نفسه صح
حتى بالمطبخ متخيلين يتلقف ياخذ مني الطماطم ويغسلها ويجلس يفرك فيها مده ٤ دقايق ولايخليني اطبخ اللحم الا بعد ماهويغسله مع اني اغيل ي بنات وانظف الخضار واللحم بس،مولدرجه الهوس الي فيه واتعبني بسالفه حطي لنا فنجالين رز اطبخيهم وصرت اطنشه احط كوب رز واكتشف وزعل مني انه ليش ماتحطين فنجالين رز وهوموبخيل ي بنات بس يخاف من التبذير عنده هوس من ذي الناحيه
وش الحل ي بنات قيسو على كل شي ونحن طالعين يطفي اللمبات والمكيفات وحريص جدا واذا رجعنا ولفي لمبه مولعه ناسينها يزعل ويجلس يعاتب فيني
اتعبني ي بنات صرت احس كني متزوجه مديرة مدرسه حياتي كلها توجيهات ونصايح وكل صغيرة وكبيرة يتلقف فيها حتى صحن الحلا كنت مغطيته وحاطته عالطاوله وجبت البخاخ بنظف الطاوله وامسحها وشلت الصحن ونظفت الطاوله ورجعت الصحن وبعدمارجع وشافني ماسكه المنشفه والبخاخ جلس يسالني يقولي شلتي الصحن قلتله شلته والله وجلس ينصحني عن المواد الكيماويه اذا جت عالاكل انها تضر؟!وقيسو على كذا كل صغيرة وكبيرة مركز فيها ويدقق ي بنات
الله يعين والله اتعبني طبعه جدا اتعبني طبعه هذا بكل صغيرة وكبيرة يوجهني وينصح فيا حرفيا احس اني ساكنه مع مديرة مدرسه وانااسلك وامشي وماادقق ولاارد عليه بشي عشان الحياه تستمر ومااعيش بمشاكل وتوتر
اذا قال لي شي اقوله طيب وابشر ولايهمك ؟ اتعبني ي بنات وخالته جتنا زياره وجبت القهوه وجلس يعدل لي بالصحن ويقول عشان مايطيح عدليه وسويه وطغي المكيف لانوخالتي ماتبغى المكيف مع ان الحرمه قايله له انه عادي عندها المكيف يشتغل مومشكله  !
لكني تعبت حرفيا من زوجها زي زوجي مااخذ دور الموجه والمعلم وان كل الي تسوينه غلط وانه هو العارف بالشي الصحيح وش الرد الصحيح اذا جلس يوجهني ويعلمني بكل صغيرة وكبيرة !؟اعطوني رد يخليه يوقف عند حده لاني تعبت منه كل شي حاط عليه مكبر وتكبير لكل شي