زوجي والحاحه

مساء الخيرات
كيفكم مع هذي الايام الفضيلة
حبيباتي زوجي قبل ٧ شهور يوم تروح الشغاله قالي ودي تحملين
قلت يا فلان حملي متعب وكل٣ حملات اللي قبلهم انزف بالشهور الاولى ودائما منسدحه وما اشتغل خلينا نأجلها لما يفتحون الاستقدام ويصير عندي عامله تساعدني تعرف البيت ٣ ادوار وحوش وملحق واطفال يبيله مساعده رفض وقال لاتربطين العاملة بالحمل وصار يصر وواعدني يجيب أجار قلتله الاجار ٣ الالف هذا خير الفين ريال تأمين تقدر قال تتدبر وبحاول اجيب الشغاله عن طريق الامارات هذا الكلام قبل إغلاق المطار بين الامارات والسعودية طبعا احنا شغالتنا اندونيسية وهي من الدول الممنوعه تدخل السعوديه بسبب كورونا هي والهند وكم دوله غيرهم فعشان اقدر اجيبها السعوديه لازم تحجر ١٤ يوم في دوله غير السعودية ثم تقدر تدخل السعودية ووقع الاختيار على الامارات وتكاليف الحجر للعاملة٨ الالف ريال اول ماحجزنالها تقضي فترت الحجر بالامارات اغلقو المطارات بين السعوديه والامارات كنسلنا وهذانا ندور دوله ثانيه نقدر ندخلها عن طريقها
طبعا حملت حصل نزيف بسيط وتجمع دموي تحت كيس الحمل قالو راحه تامه وهذاني داخله الشهر الرابع والنزيف يرجع من أقل أقل مجهود لو بروح موعد مستشفى مشيت بالاسياب نزل دم
صرت اجيب بالساعات ٣ مرات بالاسبوع لكن مافيهم بركة البيت وسخ وحوسه بسبب اني ما اقدر اتحرك ابد ولا اساعد لابطبخ ولاشي بس منسدحه زوجي فجئه جا قال اللي بالساعات وينهم مايجون قلت خلص العقد ادفع عشان اجدد فجئه انفعل وعصب
قال والله يارغدهـ مو حل ابد اللي جالس يصير ادفع ١٥٠٠ ريال يجون ٣ مرات بالاسبوع وماشفت تغيير البيت وسخ مكركب الحمامات وسخه البزران مو تاركين فرصه البيت ينظف ساعه وحده انا تعبت والله دافع ٣٠ الف عشان اقدر اجيب الاندونيسيا عن طريق اي دوله ثانيه تعبت كلمي اهلك يساعدونك تكفين انا ماقصرت لو معاي بدفع لكن ورب البيت مامعي كلمي ابوك يساعدك يعطيك ٣ الالف تستاجرين فيهم او اقلها لو نص المبلغ وانا النص انا صفرت مقدر ادفع اكثر
طبعا ابوي عنده خير وامي الحمدالله وهو يدري زوجي لو بطلب ماراح يقصرون لكن بنفس الوقت مستحيه والله مادري احترت ومرات استغفرالله اقول من بغى الدح ماقال أح هذا مثل انه انت اصريت احملي احملي ومعاك علم حملي صعب ونزيف وعدم حركة ليش تصر وضروفنا كذا والله محتاره وحايمه كبدي والله قبل احمل كنت هبت ريح بدون شغاله وشايله ٣ ادوار على راسي لكن الحين مدري اخاف اساعد واندم