اول شي كويس انك رحتي لاهلك وانتبهي ترجعي وروحي بلغي عليه مكافحة المخدرات او اتصلي على 1955 هاذا نبراس للمدمنين وترى كل شي في سري محد يعرف عنه واللي تقول ادعيله ومدري ايش تدعيله ماقلنا شي بس لازم يتعالج والا بكره يقضي عليها وعلى بنتها بالقتل وترى بلاغك عنه فيه مصلحه لك لانه تصير سابقه في ملفه ولو بكره طلب بنتك في المحكمه يلقو عليه ولا يخلوها بحضانته انتبهي لها الموضوع
انتي ياقلبي ماتقدري تغيريه بس الله يقدر يغيرو حرام البنت هادي اللي بينكم تعيش بين ام واب مطلقين لاسمح الله بس عشان دي الطفله البريئه هيا اللي حتتبهدل والله والله صدقيني مافي بيت بدون مشاكل مافي رجال مو مزاجي حتى انا زوجي مزاااجي مرا وعادي احيانا نضحك سوا واحيانا يزعل من حالو وازا ع النوم برا الغرفه انا زوجي اخد فتره تقريبا اسبوع او اسبوعين ينام برا الغرفه احيانا ف الصاله واحيانا ف المجلس بس والله ما كلمتو وطنشتو ولا اهتميت فيه ورجع هوا من حالو ينام عندي ف الغرفه وفوق دا كلو لو مانمت عندو والله هوا يجيني لحدي يقولي قومي نامي معايا مو قصدي شي لا انو ننام ف نفس الوقت ياقلبي وازا ع الضعف الجنسي هوا من زوجك نفسو امكن هوا مريض اما اللي بيتعاطاه مايسبب ضعف جنسي ياقلبي الا ازا كان مدمن زوجك يعني من صغرو بيستخدم الشي دا او انو يسوي العاده لانها هيا اساس الضعف الجنسي مابغا اظلمو ياقلبي بس صدقيني بنتك هيا اللي زعلت عليها لانها مسكينه وصدقيني لو اشتكيتي حيقولو هاتي ادله واثباتات الا ازا انتي مصورتو او مصورو اغراضو تقدري تطلقي والحضانه تسير لكي اما بدون دليل صدقيني ماينفع شوفي انا وحده تقربلي زوجها اكتشفو انو يحشش هيا اكتشفت واتمادا بضربو لين كسر يدها ومرا عينها ورملها هيا ولمن قالت يحشش قالو ماعندك دليل مانصدقك والله انها رجعت لزوجها وصورت كل شي عندو وكانت ترسل الصور لاخوها وتمسحهت من جوالها الين مرا استفزتو لين ضربها ضرب مبررررح مررررا وراحت المستشفى وحققو معاها وجا اخوها وورتهم الصور والادله واتطلقت منو وولدها معاها ومايقدر ياخدو ابدا وهوا انسجن بس ما انصحك تسوي كيدا ياقلبي انتي اول شي استخيري الله لانو زوجك مايضربك ودا اهم شي بس ممكن يتمادا ويسويها بس استخيري الله افضل لكي ياقلبي 😘🌹انتي ياقلبي ماتقدري تغيريه بس الله يقدر يغيرو حرام البنت هادي اللي بينكم تعيش بين ام واب مطلقين...
لا عادي مايطلبو لا ادله ولا شي تروح لمكافحة المخدرات وهما يراقبوه او تتصل على نبراس يتولوه وانا قريبي يشتغل في مكافحة المخدرات يقول المحشش يقتل حتى اطفاله يقتلهم لانه يكون بدون عقل
لا عادي مايطلبو لا ادله ولا شي تروح لمكافحة المخدرات وهما يراقبوه او تتصل على نبراس يتولوه وانا قريبي يشتغل في مكافحة المخدرات يقول المحشش يقتل حتى اطفاله يقتلهم لانه يكون بدون عقللا عادي مايطلبو لا ادله ولا شي تروح لمكافحة المخدرات وهما يراقبوه او تتصل على نبراس يتولوه وانا...
لاااااا مرررا مو لدي الدرجه يكدب عليكي قريبك الحشيش مايخلي الواحد يقتل لو قولتي الحبوب اصدق لانها هيا تفقد الواحد عقلو وتخليه يواصل وماينام ويشك ف كل اللي حولو اما الحشيش والله مايسوي اللي قولتي عليه ياقلبي صحيح مدمن الحشيش يعصب ومزاجي بس ماتوصل معاا للقتل سمعت قصص قتل لمدمني الحبوب اما الحشيش جديده عليا ياقلبي صدقيني حتى مايرضو يراقبو الا وعندهم دليل والله ياقلبي اقولك قريبتي صارت معاها والله ياحبايبي ترا العالم اغلبو سارو محششين وفي ناس من كتر ماهم اخلاق ماتصدقي فيهم تتوقعو امام مسجد يحشش وهوا اخلاق والناس كلها تمدح فيه يعني ترا المحششين اخلااااق مع الناس ومحد يصدق فيهم اما الحبوب هيا المصيبه صحيح ماجربت ولله الحمد ولا ابغا اجرب والله لايكتبها ع اي احد بس ترا والله كل الرجال طباعهم وحده تقريبا لاتقولو للحرمه تبلغ وتخرب بيتها والله والله ربنا قادر يغيرو ف لمحة بصر بس هيا ماهي لحوحه ف دعائها لو تحوبي زوجك حتنسي كل شي وحتدعيلو حرام تبلغ ع ابو بنتها يا ناس مايجوز تقولولها بلغي والله زوجها مزاجي بس مايمد يدو تنظر للناحيه الايجابيه والله حريم كتير صابرين ع حشاشين وسكرجيين وليش لانو الصبر مفتاح الفرج الا ويجي يوم ويفرجها عليهم ربنا بس لاااا تقنعو بفكرة التبليغ انصحوها بس بعيد عن الشي دا لا ضرر ولا ضرار وسلامتكم حبايبي ❤
اهلا اختي
الله يعينك ويفرجها عليك
اتصلي بنبراس وهم عندهم مستشارين تقدري تسأليهم عن كيف تتصرفين مع زوجك ورقمهم 1955
وادعي ربك يسهل امرك وامر بنتك
الله يعينك ويفرجها عليك
اتصلي بنبراس وهم عندهم مستشارين تقدري تسأليهم عن كيف تتصرفين مع زوجك ورقمهم 1955
وادعي ربك يسهل امرك وامر بنتك
الصفحة الأخيرة
عزيزتي اذا ماجربتي حياه فيها متعاطي ماراح تعرفين ليش نقول تبلغ عليه افضل .
انه ينسجن ارحم مليون مره من انه يعيشها هي واطفالها جحيم وعذاب
اذا طلع من البيت يدها على قلبها ماتدري هو راجع اليوم ولا بيموت جرعه زايده ولا بيروح في حادث لان عقله مسطول ولا بيجيها خبره ان مكافحة المخدرات القت القبض عليه
او يختفي عنك يوم يومين ماتدرين عنه ولا يرد على جواله لانه ببساطه اخذ هالسم وانسطل ونام في شقه ولا استراحه من غير مايحس .
او بالطالعه والنازله يدخل عليك يضربك ويهينك وينفس عليك من الاعراض الانسحابيه اذا تأخر ما اخذ هالسم .
او يسرق فلوسك وذهبك وجوالك وكل شي يبيعه بالبيت حتى مصروف عيالك ياخذه عشان يروح يتعاطى .
وكل ماتوظف ينفصل لانه مايصحى من سكرته وتعاطيه وينحاش من الدوام عشان يتعاطى ويعبي مزاجه .
والمصيبه الكبرى لما يطيح بالترويج عشان بس يوفر لنفسه صاروخ حشيش يعمر مزاجه او حبه زيناكـس او كبتاجون يمخمخ عليها .
المتعاطي حياته كلها وهبها للادمان فقط فقط لا غير
اول مايصحى من النوم يشتغل اتصالات على فلان وفلان عشان يتقابلون بأقرب شارع يحششون يستكنون واذا ماتوفر له اول مايصحى تحملي العذاب والتنفيس
المتعاطي مهما حاولتي تصلحينه وتقنعينه بالعلاج مستحيل يتعالج خاصة اذا هو متلذذ بهذا الشي وعاجبه
اساساً هو عايش عشان يتعاطى ومستعد يبيع امه وابوه وزوجته وعياله عشان لفافه حشيش او حبه مخدرات
وارجع اقول والله ثم والله ماراح تحسين ولا تتفهمين ليش السجن افضل الا لما تشوفين بعينك قطعه من قلبك وروحك او غالي عليك يضيع قدام عينك وماتقدرين تساعدينه ولا تطلعينه من الغلط وقتها بتوصلين لقناعه ان السجن جنه
يكفي اني احط راسي على المخده واقدر انام مثل الخلق لاني عارفه انه نايم بمكان امان بيد الحكومه
انا اشجع صاحبة الموضوع تفكر وتشاور اهلها بدون خجل وتقرر
وزوجك اذا ماحصلت معجزه وتاب راح يطيح بيد الحكومه عاجلاً ام اجلاً او يجيك خبر موته بجرعه زايده او حادث وهو مو في وعيه .
اسأل الله العظيم ان يشرح صدرك وييسر امرك ويرشدك للصواب ويعطيك القوه والصبر .