زوجي والحشيش

السلام عليكم ورحمه الله وبركاته.. اولا
ياعالم حواء أخص الزوجات الي عندهم خبره وتجربة في هالشيء ..والي ماعندها تجربه اتمنى ماتشارك لاني راح احس انه مو فاهمة شعوري 😟
أما متزوجة من ٨ سنين من تزوجت حسيت زوجي غريب وردات فعله أعرب بس مشكلتي حبيته بشكل مو طبيعي .. وكنت مثل الي يبي هو يغمض ومايبي يعترف أن هالشي خطر .. يوم حملت في بنتي عرفت أنه يحشش حاولت اصارحه وزعل مره وخفت يتركني وسكرت الموضوع.. بعد سنين من المعاناة معه ..
بقول امثله من الي كان يصير ..
كان دائم مافي فلوس .. تنقضي الضروريات الي مو ضروري اصلا ماصرت اطلبه بحكم أن راتبه قليل ومايهمني انا من عائله شايفه خير وماله من الكماليات
. بس الظروريات كنت استحي اطلبها من اهلي الا ظروري مع ..
مره دخل علي بعد ماكبرت بنتيثلاث سنين وجبن ولد صار عمره سنه ونص وقت مافي فلوس ابد قالي افصخي اساور ا البنت وبنتي فرحانه فيهم كانوا ذهب هديه من عمتها .. قلت بس قال عطيني اياهم والا بفكهم انا وفكيتهم وبنتي تصيييييح وانهارت وللحين جرح بقلبي هاليوم عليها حبيبتي 💔
اول مره عرفت اني حامل فيها يوم ركبت وتونا نعرف بالحمل كان معصب وصار يصرخ علي ليش طولت وخليت الناس قبلي وصار يصبخ في الدركسون وانا منهاره صياح وبعد ماوصلت صحت لحالي وجاني يعتذر ويقول اسف ..
مره طلعنا من محل قالي اني المس الرجال بيدي بدون ماحس وكثير كلام وجرحني وصحت واعتذر ..
كان يدخل مكان وبكر ع نفسه وياويل الي يزعجه يطلع وحش..
يطلع عقب مروق ويضحك ع اي شي ..
جته فتره سنتين يطلع من العصر مايجي
الا اخر الليل .. وكنت اسكت
صار يقول إنه في ناس تلاحقه وتراقبه تبي تقتله تقتل عياله .. صار يقول أن كل العالم ضده
مره يقول عصابه مره مافيها مره مخابرات
وكلام كثير اقول ليش وش عندك يقول لاني ذكي وماشي سيده ..
برمضان كثير اعرف أنه ماصام وكنت اسكت وقلبي يتقطع
واسوي نفس مادريت .. الصلاه يخليها عشان نايم ويقول اي نمت تعبان كثير ..
فترة كورونا ماقدرت اتحمله وهو كان داخل في اكتئاب شديد يصرخ ومعصب ونفسيته مره شينه قال روحي كملي حجر بيت أهلك رحت وجلست من شهر ٧ إلى ١٢ عندهم ٦ شهور تقريبا صارت لي مشكله مع اهلي ودقيت عليه بتجي وتاخذني وتغدي رجل والا بروح اخذ لي شقه جاء اخذني وكنت اخذت كل اغراضنت معنا وراح شقه قلت والبيت قال خربان مايسكن فيه قلت من وشو قال صراصير ماتقدرون .. وسكت أخذنا شقه ثانيه والحين جلسنا فيها سنه طبعا دخلت انا في حالة اكتئاب شديد وصرت اكل ٤ حبات مضاد للأكتئاب
مرت ٦ شهور ورجع للحشيش
وتهاوشنا استقويت وقلت فيك وفيك وقال يترك بتوب
وانا أخذه عشانكم أبي افرحكم
ومن هالكلام وواعدني ومافي فائده رحت وطلبت الطلاق وطلقني .. ماقدرنا نصبر ورجعنا يمكن اسبوعين وطلبت الطلاق مره ثانيه وطلقني .. ورحت بيت بروحي لمدة اسبوعين بس جاني واقتحم علي البيت ..
وطلب نرجع ويقول بتوب وووووو
بنتي ٧ سنين صارت نصصيح ماتبي ترجع وانا احترم بينهم واقنعها وانا زي المصدومه وساكته
ارسلت رساله ال اخوي وجابسرعه وتهاوشوا عةالباب وراح اخوي وخلاه ماعرف وش الي صار ورجعت معه💔💔
وجلسنا ٦ شهور حلوين والحين اشك انه رجع له بحكم خبرتي وتجربتي سنين معه ادري أنه رجع له وهو يبدأ شوي شوي لين يزيد يزيد مليت وتعبت ...
قالي هاليومين اسمعي يابنت الناس سوي الي تبين تبين تروحين تسافرين الي تبين بس خليني ..
انا اعرف وش يبي يبي يفتك مني يبي ياخذ راحته
انا الحين افكر.. لو سكت زي قبل شوي شوي وراح ترجع المشاكل والصراخ والضرب ...
خايفه مااسكت واسويها سالفه واتحسف
لاني ارحمه اهله مقاطعينه مايبونه ولا يبهيم امه بس تلفون وأخوه بعد غير كذا مافيه ..
مابيه يعيش وحيد .. واخاف ابلغ عليه واتحسف
لان علاج ينكر مافيني شي واقدر ابطل مستحيل يتعالج عند متخصص .. رافض تماما الحين منكر اصلا
هل ابلغ عليه؟!
هل اروح واتركه؟!
هل اسكت واصبر لين يرجع يضرب. يصرخ
مره تعبانه مره 💔💔💔