mrs.abk :

شوفي واضح مافيه عاطفة بينكم .. جفاء .. ما تحبينه ولا يحبج أنصحج دام مافيه عيال فكري بالانفصال .. الحب ما بيجي دامه ما جا 4 سنين .. لو في قلبج مشاعر تجاه زوجج ما تشرطتي هالتشرط كله .. اللي تحب ما تفكر انها بتقدم تنازلات .. التنازلات تصير بدون وعي منها .. وما تنتبه إلا اخر الليل إنها تعبانة .. في خدمة المحب متعة ما تعرفينها ولا بتعرفينها .. مثال بسيط .. أنا موظفة .. حامل وحملي متعب وعندي أخطار في الحمل .. طلعت من الدوام رحت العيادة .. وأنا راجعة البيت زوجي اتصل قال جهزي لي عشا وحلو عندي ضيوف .. رجعت ع المطبخ .. خلصت 9 ونص كان كل شيء جاهز .. الساعة 10 انتبهت إني ما بقيت لنفسي شيء من الاكل وإني ما قعدت مع بنتي اللي ما شفتها من 7 الصبح وطول الوقت مع الشغالة .. مع ذلك كنت مرتاحة نفسيا ومبسوطة إن عجبه الاكل وقمت بواجبه .. أكلت فواكه .. أخذت شاور .. نومت بنتي .. وتأكدت إن فراش الضيوف في الملحق .. رجعت غرفتي ونمت .. مرتاحة وعادي وطبيعي .. أمر بهالوضع بشكل أسبوعي .. ولعلمج نادرا أطلع مع زوجي أو أروح مكان .. بس في داخلي مرتاحة لأني أستمتع جدا لما يكون معاي .. أشعر بعاطفة تجاهه وهو يشعر بعاطفة معاي .. هالشعور انتي تفتقدينه .. وأعتقد صعب تلقينه

شوفي واضح مافيه عاطفة بينكم .. جفاء .. ما تحبينه ولا يحبج أنصحج دام مافيه عيال فكري بالانفصال...

fatoomah123 :

حبيبتي احس أساس مشاكلكم العصبيه وعدم التفاهم يعني ليييه ماتجيب له بالمسايسه تري الرجل بالنهايه طفل كبير جربي تعاملينه مثل الأطفال احتمال كبير يتغير سمعيه كلام حلو حتي لو من ورا قلبك لاطلبتي منه شي ورفض اجلسي تدلعي عليه وقولي له افا مااستاهل ومن هالكلام صعب تصرين علي موقفك وتقولين لا مابسوي هالشي تري الرجال اكره شي عندهم هالحركه يعتبرونها تحدي لهم وانك بتمشين كلمتهم عليك وهذا الشي صعب علي أي رجال فجربي خليك لينه معااااه وشوفي وش يصير ومن الناحيه الماديه اذا رحتي معااه سوق حاولي تشترين علي حسابه الي تبي اذا انتي متاكده عنده فلوس ولا عليه ديون وشوي شوي عوديه علي كذا كل شي يجي بالتفاهم ابتعدي عن العصبيه وان شاء الله بتلاقين نتيجه

حبيبتي احس أساس مشاكلكم العصبيه وعدم التفاهم يعني ليييه ماتجيب له بالمسايسه تري الرجل بالنهايه...