زوجي والحمام ..... ابي منكم حل

يا بنات انا عندي مشكله وابي لها حل
تقدرون تقولون مشكله وتقدرون تقولون مصيبه
انا لي سنه متزوجه والحمد لله مبسوطه وزوجي مهوب مقصر علي في اي شي واحبه وهو يحبني
بس زوجي يحب تربيه الحمام ومزعجني فيه وانا انسانه حساسه مره واخااااااااااااف من اي كائن حي
وهالحماام الصراحه مسوي لنا ازمه في البيت واحراجات بسببب الفضلات اللي يتركها على جدران الجيران الله يعزكم.
انا بدال ما اسولف مع زوجي واضحك معه يقولي قومي معي للسطح نجلس عند الحمام
وعليه تصرفات غريبه يقعد يصفق ويصفر ويأشر بمنشفه وكل شوي رايح للشارع ومعه سكين يقطع جذع من النخل ويجي ويصعد فوق الحظيره ويطارد في هالحمام ويطيرهن وانا ابي ابكي من الخوف
حتى وصلت فيه انه يقول ابيك تعرفين كل شي عن الحمام انا جاملته وقلت ودي اتعلم وليتني ما قلت
بدا ايطلع اسماء غريبه يقول هذي طبه وهذي منفجره وهذي ام وهذا بسبوس وهذا مدري ايش
عاد انا ما عرفت الا البسبوس اللي هو الولد الصغير (شاااااااااااطره
والله يا بنات ابي ابكي من هنا الين اموت والمهم يجبرني عليهن ولازم امسكهن وانا اخاف منهن
امس والله عذب له حمامه جاب ملعقه اكل وسخنها على الفرن الى ان صارت جمره بعدين حطها على راس الحمامه انا والله بكيت قلت حراااااام عليك قال وش عرفك هذا علاج هي فيها صرع
بنااااات تكفون زوجي طبيعي ولا لا
وكل هذا يهون الا اذا جاب قفص صغير وحطه في الغرفه اقوله ليش يقو ل هذا مريض ولازم ما يشوف النور
حتى الحمام صار معنا في الغرفه
زوجي خلوق ومحترم ومحافظ على الصلاه بس ما هوب مطوع
واللي ضيق صدري ان وحده تقولي ان اللي يربي الحمام منبوذ من المجتمع وما تقبل شهادته
بنات ادري طولت عليكم بس وش الحل ؟؟؟
احط سم للحمام عشان افتك منهن صايرات بالنسبه لي زي الجارات:44: