حبيبتي اولا مبروك الحمل والله يسهل عليك الحمل والولاده ويحسن خلقه وخلقته..
وثانيا ياقلبي ابقولك شئ بس ما ابي يركبك الهم ..اللي في زوجك مو علشانك حملتي ..علشان هو انسان مايتحمل المسئوليه..(زوجي كذا أول.. والله كأنك تتكلمي عن حياتي)...يعني مايبي يقضي او يطلع زبالة البيت او يوصل السوق.........فما بالك بطفل!!!! ..جيب حليب ودي تطعيم وصياح وووو.. نفس الشئ قالي ما بي اطفال(مع انه يحب عيال اخواته مره) ومع ان اللي متزوجين معي كلهم حملو وكانو اهله دايم يقولون متى تحملين وكنت اخذ حبوب ومثلك مره تعبتني ونحفت بسببها عشره كيلو واراد ربك احمل عليها وقالي انت غرتي من اللي حملوا ، وقلت له لو كنت قاصده ما خليت ولادتي على رمضان ..ولا صدقني ...وصار اللي صار...ضاق صدره وووووو..اشوف اللي حولي وعليهم هدية الحمل ،واستقدمت لهم شغالات ،ويختارون اسامي،ولو قالت آي يركض بها على الدكتور .. وانا والله يرفض حتى نتكلم بالاسامي...وكل ما رحت مراجعه كانت تهاوشني الدكتوره ليه وزني ينقص؟؟ وذبحني فقر الدم ..وعلى كذا اقوم ببيتي كله لدرجه امسك الجدران وانا اكنس وامسح اخاف ادوخ..ولماانتهت السالفه بدت سالفة ابي ولد ولازم البكر ولد وانا ما احب البنات ...كأنه بيديني ..وادعي ربك كل ليله انه ما يعاقبنا ببنت معاقه...ومرت الشهور ووقت الولاده لما بدى الطلق طلع من البيت وخلاني ........آه هذي اللي عجزت انساها له ابدا...ولما ولدت على طول اخذ اجازه قال ابريح!!!!(اللي اعرفه الناس تاخذ اجازه اذا طلعوا حريمهم من النفاس )وكنت بالايام ما اسمع صوته ...وكل ماجاء عايب على شكل الولد مع انه الحمد لله عيالي مره حلوين بس تعرفين النفاس تصير ملامحهم مو باينه... وطلعت من النفاس ولا اخذنا...
وبعد ما رجعت البيت مرينا شهور كذا.بس سبحان الله غصب حبه خصوصا لما بدا يكبر ويغاغي واللي ما قدرت اغيره بالكلام والزعل غيره ولدي بضحكه ومغاغاته..وجبت الثاني بعد اربع سنوات.........ونفس الحكايه .......ما يطلب احمل،مايفرح بحملي ،ما اشوف هدايا حمل وولاده ابد..وما يشارك في تربية الاطفال في البيت ...لكن الحق يقال يموت في عياله ويشتاق لهم ...تدرين ليه......
كل يوم من ادعي (الله يجعل همه في الدنيا رضى عيالي)والان طفلي الثاني كبر مره ونفس الشئ ما طلب الحمل...لانهم مثل ما قلت لك مسئوليه ...وهم مايحبون هذا الشئ..واتوقع زوجك كذا وصدقيني تعليقه على شكلك مو صحيح بس بيكرهك في الحمل علشان ما تعودينها ..
بعد الولاده بتشوفين كيف يتغير احساسه (حتى لو ما تغير طبعه ولا ساعدك )لان الابوه غريزة ...ودعواتي لك ...

كلامي واجد بس لاني حاسه فيك ..........

حبيبه قلبي.... ترا اكتب لك هالكلام وانا ميته قهر وحرررره والله لوهو قدامي اوريه شغله!!!!
معليك منه خليه يهذر ويبربر الين يشبع ولا كأنه موجود...يعني صفر على الشمال.. اللي يقول لزوجته سقطي ويبي يحكم على ولده بالموت هذا مايستحق ذره احترام لاتتصلين على ولاتحاولين تثيرين الموضوع معه واذا شفتيه بدا يعصب ويسوي ويقول كلام ماله داعي اتركي المكان وقومي ولاتقولين كلمه .. واذا تمادى قوليله بحزم انت ماتخاف من عذاب ربك بكره الله يعاقب تتمنى ظفر بزر مايعطيك اياه وقوليله هذا ولدي بغيت او مابغيت وسو اللي تسويه...اياك يأثر عليك وتسوين شي تندمين عليه طول حياتك... ترا الاطفال زينه الحياه الدنيا وش الحياه دون اطفال ترا ماتسوى العيشه...وخير ياطير ليش حابسه نفسك بيت اهلك اذا بغيتي تطلعين استأذنيهم واطلعي مع خواتك او مع امك وسعي صدرك ولا يهمك....اشتري اغرض للبيبي ولك واضحكي واستانسي ترا هالفتره اجمل فتره...
وانتي لايضيق صدرك ترا بكره اذا شال ولده بين ايده يخق وينسى الدنيا ومافيها واذكرك بكره...
ادعي ربك انه يسخره لك وللي ببطنك ويعطيك خيره ويكفيك شره.....

هلا بك اختي امجاد ومنار
تصدقين هذا اللي افكر فيه نفسي اكلم اخوه لأن اخوه حكيم وخطيب مسجد وهو ياخذ منه
بس اخاف انه يدري اني قايلت له شئ وافتح لنفسي باب ثاني..
اختي ارحني يارب
وربي وربي احسك روحي الثانيه تكلمتي عن نفس معاناااااااااااااااااااااااتي
بس وشلون تحملتي ماشاء الله عليك؟؟!!!!
اكيد هو خايف من المسؤوليه ولا وش فيه يرفض؟؟ مع العلم اني موطلابه ولا راعية كلام
واطلب من ابوي الله يخليه اكثر من اللي اطلبه منه كله ابي الفكه من لسانه ومن تزوجنا مااذكر يوم طلعنا نتمشا في سوق ولا كووفي ولا هالأماكن حده اذا طلعني وداني للبر ..!!
ومع ذلك ماقلت له شئ ..!!

هلا بك اختي البرنسيسه
مشكلتي انه لابدى يتكلم يضيق خلقى واكتم ومااعرف اعبر عن شعوري الا بالدموع وطبعا هو ماتهمه دموعي ..!! اكيد الأطفال زينة الحياة وبعدين انا اطفش من جلست البيت مليت من هالتلفزيون والخيابه اللي فيه نفسي بأحد يرد لي الصوت وهو 24 ساعه طالع البيت واول مايدخل يغسل وتبدى مكالماته مع ربعه عن مكان السهره اللي بيقضونها واذا قلت له شئ قال احمدي ربك انا اسهر في بر مو في شقه ولا استراحه ولا اسافر واخليك ...!!
وكثييييييير يطلع والبيت فاااضي وانام وربي على لحم بطني ...
خلاااص احس طفشت ماعاد فيني صبر ,,:09:

زوووجك غرريب .. ويمكن هالطفل خيره لك .. يمكن على يدينه يتغير ابووه ..

الله يسخرلك زوجك .. اهم شي نفسيتك ماعليك منه ..

الله يصبرك ..