زوجي والخادمه ماادري شكي له اساس ولا لا

يابنات انا الحمدلله والشكر ماني من النوع الشكاك او الغيوره جداااااااا بس ماادري هالشهرين جتنا شغاله جديده ومن جت وانا شاكه بها ولاني مرتاحه لها ابد احسها من تحت الى تحت حتى احس معاملتها للاطفال ماهي زينه رغم انها ماتسوي شي قدامي لهم بس هم مايحبونها والمشكله ماهي هنا المشكله ان زوجي بس يدافع عنها ويهاوش البزران اذا قالوا لها شي رغم ان هذا مو من طبعه ومو اول مره تجينا شغاله ماره علينا شغالات اشكال والوان القشره والمزيونه ماعمره تدخل بهم الا هذي رغم ان شكلها الحمد لله والشكر مثل السرلانكيات وكذا مره تخانقت انا وياه عشان هالسالفه بس مااااااااااافي امل واخر مره تخيلوا اليوم بعد المغرب انا بغرفتي واسمعه دخل عليها بالغرفه تكوي ويتكلم معها بصوت وااااااطي مايبيني اسمع قمت انا وقلت بصوت عااالي ايش فيه وش تبي يابغيت شي اطلبني انا هذي ماهي محرم لك قال ماقلت شي بس قلت له اكوي ثوبي رغم انه انسان ملتزم ويصلي ويخاف الله لا والادهى والامر تخيلوا اذا صرت نايمه انا وزوجي بالغرفه اسمعها بس تحوس بالحمام الي جنب غرفتنا لانا بشقه وشقتنا صغيره مابها الا حمام رجال وحمام مشترك لاو تونا جالسين بالصاله قامت فتحت غرفتي بدون احم ولا دستور ودخلت ملابس مكويه قمت انا وخانقتها وقامت تتمسكن وتسوي نفسها على نياتها وماقصدها رغم انها مااهي اول مرره تسويها من تشوف غرفتنا مفتوحه تروح تركض تنظفها او تدخل ملابس واخانق فيها واشتمها واخصم منها وولا نفع ابددددد. الي مصبرني عليها للحين انها شغيله ونظيييفه وتخدمني انا بالذات بعيونها ماادري محتاره باحساسي تجاهها ذا شك وسوسه ولا انا على حق والمشكله بعد مااقدر استغني عن الشغالات موظفه وماعندي احد من اهلي