زوجي والخدامة احتاج استشارتكم / قديم

مساء الخير جميعا
انا متزوجة لي 8 سنوات وعندي ولدين زوجي كبير قريب ال 50 ومريض سكر ولاعنده سوالف غزل وخرابيط ولايعرف للجوالات ولايروح للاسواق ويصلي ويصوم شخص طبيعي جدا عندي خادمة بنغاليه لها 10 شهور طبعا كل حياتي عشتها بدون خادمة معى اني موظفه بس مدبره اموري لان ماديتنا ضعيفة شوي مانقدر على راتبها بس اضطريت لاني جبت ولدي تعبان وضروري احد معه قبل 3ايام قالت لي الخدامه ان زوجك يبي يضمني عند باب الحمام ورجع مره ثانيه قالها بوسيني عاد انا هاوشتها ولاصدقتها وقالت انه قالي لاتعلمين ماما انا سكت راحت بيت اهلي تبكي عند امي واختي وقالت السالفة وقالت بروح الشرطة اشتكي عليه وقتها اضطريت اعلمه تغير وجهه وحسبت فيه شيء قال كذابه انا حياتي كلها ماجيت الحرام مالقيت الاهذي ومن ذا الكلام المهم قالت بسافر ماراح اجلس قلت سفرها خلاص ولدي كبر وماني بحاجتها قال مستحيل دفعت عليها مبلغ سنتين وبتروح ماكملت سنه قلت دام هذي سوالفها ما ابغاها طبعا انا وثقت بزوجي لاني والله ماعمري شفت عليه ملاحظة وهو عنده ضعف مايفكر بهالالامور ودايم يقول سامحيني ماعطيتك حقك
وقبل امس قال اطلعي بتفاهم معها شكيت فيه وحطيت الجوال والكاميرا مفتوحة فيديو ابي اسمع ايش يقول لها
قالها ليش قلتي لماما انا قلت لاتعلمين انا كنت بشتري لك ذهب واعطيك فلوس ليش تتكلمين قالت انا مابغى كذا انا مسلم قالها ماراح اسفرك جيبي فلوس التذكرة بعدين تروحين وضربها كفوف وبشاحن الجوال


طبعا انا سمعت هالكلام وضاقت فيني الدنيا ورحت بيت اهلي وتركت عيالي والخدامة وجا مالقاني فالبيت جاب لي العيال بيت اهلي والخدامة جابها اليوم الثاني الحين الخدامة بلغت اهلها وقالت انه حاول يعتدي علي وضربني وهم بيتصرفون عشان ترجع وانتظر مدري وش بتسوي
ي بنات انا مصدومة في زوجي حتى اهلي يقولون الشايب المحترم معقوله


ماني عارفة وش بتسوي الخدامة تقول اهلها عند السفارة مشتكين عليه


وانا تركت له البيت ومشيت
طبعا يوم كلمني مسحت فيه الارض وقلت طلقني وماخليت كلمه وصخة ولامسبه ماقلتها له
لاحول ولاقوة الا بالله دعواتكم لي واللي عندها نصيحة تقولها واللي بتجرح ولاتقول مقصره لاترد الله يعافيها مو ناقصتها
طبعا انا حظرته من الجوال
ولا اعرف كيف اتصرف ولا ايش اسوي واخوي المسؤول عني مسافر انتظره يجي واشوف وش يقول




تعرفون المصيبه ايش ان كل وحده من اخواتي واخواني المتزوجين يقولون عادي اللي يبي الحرام يروح له اهم شيء لايسوي فبيته شيء ياالله صار الزنا عادي لهالدرجة اعوذ بالله