زوجي والخصومات مشكلة راح تجنني

لاحول ولاقوة الا باللة....شنو هالبخل!!!
اللة يعينها....واللة هالقصة اول مرة اسمع فيها....شنو يخصم عليها هذا صاحى؟؟؟؟؟
بس تدرين الحق على رفيجتج...والى وضع من البداية غلط ليش ساكتة؟؟؟
الاسلام كفل للمرة احقوق ومن ظمنها ان الرجل يصرف عليها....مشكلة هالرخوم ماينعطون وجة....
رفيجتج لازم تحط حل لهالمهزلة....الوضع الى هى فية مهزلة...مابعدها مهزلة!!!
وبعدين هو مقتدر...يعنى شنو اخوها يشتريلها....
خلى رفيجتج تراجع ترتيب حياتها عدل....وبسرعة لان الوضع الى هى فية ما يحتمل التأجيل....
واللة يفرجلها من هالرخمة....اما يتسنع وغدى رجال ولى بيت اهلها اصرف:mad: :mad:

والله الحياه تعلم ولاحظت ان الفلوس ماتجي بالقوه
يعني لو تبغي شي من زوجها خلها تتمسكن عنده وخلها تكسر خاطره حتى يعطيها
يعني تدعي مر ان عندها عرس ولا شي وتسوي نفسها زعلانه ويوم يسألها ايش فيج خلها تقوله بس متضايقه لاني خاطري اروح بس ماعندي شي البسه
وشوفي الطرق الي انا اخترعتها مشالله علي تبارك الرحمن ((مسويه نفسها عبقريه))
واهنيه النقطه خلها تجرب مرتين وشوفي ايش من هالطرق الي تنفع مع زوجها
1- لو عرض عليها يعطيها الفلوس بس يخصم من الشهر الجاي فخلها تقوله انا موافقه مابي شي حتى لو اضطر اقعد في البيت وماكل شي وخلها تنزل كم دمعه هههههههههههههههه وشوفي شلون تكسر خاطره اعنبوا سويت فلم
2- وخلها تجرب بعد لو عرض عليها الفلوس ويخصم تقوله ونفسها مكسوره وكم دمعه بعد لزوم المثيل يكمل
مابي شي بتم مديونه لك وايد ومابي اثقل عليك مع ان هلي قالوا لي انك تموت فيني ولايمكن تأخر علي طلب لوعندك وانا اعرف هالشي بس انا بضحي بسعادتي علشان راحتك

خلها تجرب هالطرق وتقولي النتيجه ههههههههههههه ترى الطرق مجربه من اختك رمايه

لو كان هذا بخل فالله يعينها

نعوذ بالله من هذه الأشكال :)

لكن لو كان عناد لها بسبب مشكال هي مسببتها له أو ما تسمع كلامه

بصراحة لازم تراجع نفسها و تعيد ذاكرتها لورى شوي تشوف هي في إيش مزعلته

و تراضيه ، و مايرضي الزوج إلا اللي عندها و ماعند غيرها :17:

إن شاء الله تكوني فهمتي

السلام عليكم

مشكورين اخواتي على ردودكم لكن هي جربت كل الطرق وكل محاولت تشتكي لاهلها قالولها مابيدنا نسويلك شي
وبعد حاولت تلفت نظره انها ماهي موظفة وانه ملزوم يصرف عليها عيا وقال لا هذا انا وطول عمري متعود على كذا مع اخواني وهلي تدرون ان طلبت منه شي مايرضى يعطيها ولا يجيبلها الاهي تبيه ولاحتى ينزل معاها سوق يتعلل بعدم حبه لنزول السوق والله مادري البنت تعبت ومصارت قادرة تقلولياانها اوقات متنام الليل من شلت هم الديون اللي عليها والتفكير هو يخصم بالتقسيط على باله شركة تقسيط ولا بنك انا قلتلها خليه يشتغل ببنك اصرفله
وكل متحاول تجيب طاري الخصومات قام وعصب وهدد وعد وبعد كدة لو طلبتي مارح اعطيكي شي لا وفوق هذا وذاك اذا طلبت منه شي على سبيل المثال مبلغ معين طبعا اكيد سلفة ميعطيها هو على طول يقولها خليني افكر وميرد عليها الابعد يومين او ثلاث بالله هذا الشي ظلم وذل ولالا

انا مرة كاسر ة خاطري لكن مابيدها شي تسويه لان زوجها من ذوي الطباع الحادة وماتبغى تخرب بيتها لان عندها اطفال وماحد راح يتحملها هي واولادها

اسفة على التطويل

تحياتي

اختي هاذي غلطة صديقتك من البداية يعني من اول اسبوع زواج يبين الريال الكريم والبخيل وهذا يعتنبر بخيل
لانها يهددها بالحرمان من اقل حق من حقوقها وهو المصرف !!!!!

والحين بعد هالسنين والاولد اللي يابتهم توها تشتكي توها حست بالمشكله ؟!!!
انا ماحب اني ازيد مشكلتها بالعتب لكن تكون عبره للبنات اللي مقبلين على الزواج والله الريال يبين من اول يوم زواج
اخذيه اختبريه وبكل سهوله اختاري مطعم غالي او وجبه غاليه شوفي شنو تعليقه او تعابيره ؟
حتى بالسوق اذا خذيتي شي غالي شنو بتكون ردة فعله البخيل لا يمكن يسكت ويضحك ويشتري
اقل شي بعلق بالكلام
وشنو يعني مايوديها السوق ؟؟؟ اهي عودته على هذا الطبع؟ يعني لو من بدايه زواجهم تقوله ترا انا مارح الا معاك السوق بيقول لا ؟؟
لا طبعا بيطيعها لانها عروس ومايرد لها طلب حتى لو قاسي

شوفي مالها الا انه تبدا معاه من جديد يعني تحط ببالها انها توهم متزوجين وتطلب منه انه ياخذها للسوق بالمساحلوالكلام الحلو مهما كان بيلين
وهناك بالسوق اهي وشطارتها واقناعها له

وفي حل ثاني

انه تشيل عادة المصروف نفسي انا ماخذ منه شي بس اذا بتروح السوق اي شي يعجبها اهو يشتريه خليه اهو يدفع راح ينسى جم صرفت يعني لو تشتري بقيمه اكثر من مصروفها ماراح يقول لها شي لانه ماراح يحس ويعرف انه الاسعار نار بالسوق وبعذرها

هذا اللي عندي وانشالله يكون بفايده