السلام عليكم ورحمة الله وبركاته
اتنمنى من خواتي بنات حواء انهم يساعدوني بنصيحه ولابدعوه
مشكلتي يأخواتي عويصه مشكلتي مع زوجي الله يهديه أنه مدمن على الخمر
بدت مشكلتي من 6سنوات وأنا متزوجه لي 10 سنوات وعندي منه طفلين الله يصلحهم ويخليهم لي .......
من أول مابدى يشرب كان بسبب السهر مع أصحاب السوء بعذر أن عنده دوام بالعصر وبعدها يطلع العشاء معهم رحمته على بالي انه يسعى ويتعب علشانا انا وعياله وأقول ماعليه خله يوسع صدره مع أصحابه لأن عنده دوام صباحي بعدها ماصخها ماعاد يرجع البيت ألى بعد الفجر ودايم اتهاوش معه على التأخير ....
ولا عليه مني وأترجاه يقعد معناوالله ماعليه مانا...
وبهذيك الفتره ماتوقعت أنه يشرب أو شي ماأدري أنا غبيه ولا على نياتي وكنت واثقه فيه من كلامه وعلى بالي انه مايجي الحاجات هذي بس كانت ثقتي في غير ماحلها ...
وبعد كذا أذا سهر ماعاد يرد على جواله وكان يحطني عند أهلي أذا بغيت أقعد في البيت يقول ياعمري لاتقعدين اللحالك يضيق صدرك....أحسبه راحمنيي ...:44:
وأثره عشان ياخذ حريته برى البيت ... ودايم أشم ريحته خايسه تلوع الكبد ومع ذالك مستمر في كذبه...ودايم أتعذر أني دايخ وتعبان عشان كذا يكون شكلي..
وأستمر في السهر ويحطني عند أهلي مايرجعنا ألى الساعه 8الصباح ولا الظهر
ولايدري عنا..
وبعدها ب3سنوات أكتشفت ان في بيتي جيكات محطوط فيها زبيب كانت في مستودع وكان المفتاح معه دايما على بالي عشان اغراضه الي بالمستودع ماخذ المفتاح معه وأثره علشان البالى ألي حاطه ...
وصار ماعاد يروح لأخوياه لأن الاستراحه حقتهم مدري وش صار فيها...
وصار يوديني لأهلي ويشرب في البيت وأنا ياغافل لكم الله..وأرجع البيت مع واحد من أخواني أذا مارد على جواله والوقت تأخر وألقاه نايم والريحه فايحه..
وبعد مأكتشفت الجيكات واجهته ..
وقال ماعاد يطق سني ومن هل الكلام ..
وبعد ماكشفته لي حوالي 3سنوات بين فتره وفتره يشرب على أساس أنه طالع يتعشى برا ولا معزوم ويسحب وماعاد يرجع البيت الى بعد الفجر..
واواجه احيانا أذا حسيت أنه شارب وينكر ..
دلوني وأرشدوني ..
لاتقولون أطلبي الطلاق لأنه صعب والحياة بعيدة عن بيتي أصعب لأني صعبه أعيش عند أهلي
السبب الاول لأن أمي عصبيه ولاتحتوي أحد..
والسبب الثاني لأن ماعندي ماديات أعيش نفسي وعيالي عليها لاتحسبون من زود الطنخه عند زوجي يحسره ألى والله عذاب مادياته زيرو مهما حاول يدخل مشاريع ألى انها تفشل والديون ظاربته بسبب بعده عن ربه...
أنصحوني وارشدوني جزاكم الله خير
عضوه بأمل @aadoh_baml
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
وحاولوا فيه يتعالج كلمي اخوانه يودونه مستشفى الامل
ولاحول ولاقوة الابالله
الله يصبرك