زوجي والخوف

السلام عليكم بنات
كيفكم
بنات عندي مشكله انا انسانه خوافه اخاف من الأخبار السئيه بذات الاتصالات اخر الليل والخوف يبان علي مرا وزوجي من تزوجت وهو يخوفني بس اول زواجي م كنت اخاف كثير وأقلق لي الحين 6 سنوات صار الخوف ملازمني يعني اخاف ع عيالي مرا احد تاخر احس نبضات قلبي سريعه مرا دخل زوجي ع وانا نايمه وصار يولول ويتحلطم وربي اني صحيت ع نبضات قلبي من قوتها حسيت كان قلبي بيخرج من مكانه ترى زوجي عارف اني اخاف عشان كذا يلعب بنفسيتي لعب ويحب يخوفني مثلا يجيه اتصال يسوي ان جاءه خبر شين ويجلس يقلب وجهه هاه وش صار يبغى يخوفني وهو اتصال عادي من اخوياه احس لعب بنفسيتي لعب ودمرني نفسيا والله حتى من اخاف اتعب ومغص ببطني وإسهال الله يكرمكم واجلس كم يوم تعبانه وراسي يصدّع مع ان م اقول له بس يبان علي القلق والخوف تأثير المواقف اللي يسويها فيني حتى شخصيتي تغيرت منه صرت حساسه مرا واخاف بسرعه وكمان اذا واحد من عيالي تعب لو خفيف يبالغ ويضخم الامور عشان يخوفني ويقول سمعت هالمرض يسبب كذا وكذا لو تاليفات من راسه وانا اتعب وأفكر وأقلق ويسوي حركت قدامي انه متاثر وكل شوي يكرر علي الله يستر بيصير كذا وكذا والبارح يقولي انا حاس انك بتموتين قريب يقول احساسي دايم م يخيب صلي وتصدقي قدّامه سويت نفسي عادي بس قسم بقلبي مت خوف حتى سويت نفسي بنام وانا تحت الفرشه افكر الله لايسامحه دمر نفسيتي دمار من تزوجته وهو شغال علي كذا بس كثر الدق يفك اللحام تو هالسنوات بديت اتأثر قبل كانت شخصيتي قويه وكلامه م يحرك فيني ساكن اطنشه وعايشه حياتي لا تقولون تفاهمي معاه اعرفه يستمتع بتصرفاته هاذي كيف اتعامل معاه اخاف تجيني الامراض بسبب تصرفاته هاذي صارت نبضات قلبي سريعه وأحس نبض براسي
كيف اخليه يوقف من حركاته بدون م يحس
والله موقف م أنساه بحياتي خلاني امشي بالشارع زي المجنونه اتصلت عليه ورد مدري هو مغير صوته او احد ثاني رد علي قالي صاحب هالحوال حصلته متوفي عند سيارته وربي سكرت الخط وأجري بالشارع رحت لعمتي ودخلت ع اخوان زوجي غير اخت زوجي حطت ع راسي منشفه تسترني عن اخوانها وجلست ابكي بغيت اتجنن عيالي وقتها كانو صغار فجعتي ذاك اليوم م راحت مني بعدها تعبت تعب نفسي وقتها هو مو حاس باللي يسويه عباله ان دمه خفيف
ساعدوني تكفون ايش اللي يخفف الخوف مني