زوجي والخيانيه اللي تمشي بدمه..... تعببت

بسم اله الرحمن الرحيم

السلام عليكم


انا حبيتكم من كلام صديقتي اغلى الغوالي13 وشجعتني اني اطرح لكم همومي ومشكلتي وانكم اكيد بتعطوني الراي الحكيم

حاولت اسجل بالمنتدى بس ماقدرت فعطتني الباسبورد مالها وبطرح لكم مشكلتي واتمنى تساعدوني

بنات انا متزوجه من عشر سنين وزوجي يحبني ومومقصر معي بشي وهو طيب مع الكل وكريم بقووه

المشكله انه الخيانه تجري بدمه دايما اكشفه واخذ معه موقف بس مايتفع يحلف ويرجع ويكرر الخيانات من يوتبات وصور اباحيه ومكالمات ومدري بعد يمكن خايني بالفراش لانه كل فتنه تطلع الا زوجي الاول بالقائمه

ودايما اذا كشفته اهدده باني اروح لاهلي ويقولي روحي وموكاسر ضهري الا عيالي وانه مو مقصر معاي الا ان عيبه الوحيد الخييييييييييانه

اخر مره قبل 7 شهور لقيته باحث بقوقل عن طريقة الاجهاض وواجهته وحلف بالقران انه موله ان صديقه متورط مع وحده

واخر مره يوم الخميس اللي فات وحنا نتمشى نزل السوبر ماركت الا اسمع جوال ثاني غير جواله اللي بجنبي

يرن 3 رنات وقفل وكنت بطلعه الاهو جاي وقلتله جوالك يرن الي تحت الكرسي مالك

قال طيب قلت رد عليها تبيك يمكن عندها مصيبه يمكن مشتهيتك رد

هو هنا عصب ويوم رحنا بيتنا قال وش فيك قلت انت اللي وش فيك قال شكلك بتنامين عند اهلك الليله علما ان اهلي بمدينه ثانيه قلت ليه انا اللي خنتك انت الخاين اصلا انت ماتهمني روح لها تبيك

عصب وراح يبي ينام وقمت اقط عليه من الدعاوي واتحسب عليها وقالي الحين وشتبين تبين بيت اهلك روحي لبيت اهلك المهم مالكم بالطويله بعد الهواش لا هو اللي اعترف ولا هو اللي انكر ولا هو اللي اعتذر

وقالي اصلا انا لااحبك ولا احب غيرك ابدا هنا انا انصمدت وربي يابنات اني مو مقصره معه بشي واهله يشهدون لي

واهتم بروحي كثير حتى اللي يشوفني يقولي مو باين عليك انك جايبه عيال ((ماشاء الله)))وجميله بشهادة اعدائي والكل وهو يدري وانا اصغر منه ب13 سنه

بس طبعا يبرر خيانته بانها خصوصيات ومالي اي دخل بها
المهم ارسلته رساله ثاني يوم وطلبته يروح يكلم اللي يبي ويواعد اللي يبي وانا لاراهتم فيه ولاراح اغار عليه

بس ابي يجي يوم ويقولي خلاااااااااااص انا خلصت انا تركت كل شي وشبعت من كل شي ساعتهها يكون اني ارجع حبي له ويكون مخلص لي لاتلوموني بنات وربي ارسلتله من التعب اللي بقلبي كل شوي القى له خيااانه وربي تعبت كل يوم انصدم منه بشي

ورجع البيت وفتحنا الموضوع وتهاوشنا وكالعادة يطلعني انا الغلطانه وقال والله وحلف بعياله انه يتزوج علي عشان يربيني وحتى جته بنتي الصغيره قالت بابا ليه تبكي ماما قال والله الليله لاخليها تبكي بقوه اذا سمعت اني مملك

ويعني قام يذلني بالزوجه الثانيه وبعدها طلع برا وقمت استغفر لين رجع وناداني وحب راسي قدام عياله

وطلع بس وربي احس انه مولي وانه طلع يبي يكلم السافله وومن امس كلامي ناشف معه بس اتحسب على اللي يكلمها وادعي عليها ان الله يحرق قلبها مثل ماحرقت قلبي

وثالث يوم ارسلت له رساله وخيرته بيني وبين السافله مع اني مابي انزل لمستواها الا اني ابيه يثبت لي بس انها تركها او يتركني وانا مابي اروح لبيت اهلي واخلي عيالي وهو مهددني فيهم

رجع البيت وقالي انتي اذا تبين تخيرني خيريني بينك وبين زوجتي الثانيه قت مو منتظرتك لين تجيبها لي ثانيه

وقال هذا شي مايخصك خليني على كيفي وانا خايفه ان اللي يكلمها هي زوجته الثانيه بالسر

ومن يومها يابنات وانا احس ان حياتي كذبه معه


ااسفه اني طولت عليكم وكلامي مو مرتب بس حبيت اختصر عن الخيانات السابقه
وابي رائي الحكيمات وش اعمل اطنش والا احقره وهو مااعتذر ولا ترك هالمكالمات فقدت الثقه فيه خلااااص


انصحوني وادعولي وعطوني رايكم