زوجي والذهب حقي

يسعد مساءكم جميعاً خواتي انا في ورطه وابي مساعدتكم ومشورتكم السالفه انه قبل فتره زوجي قال لي لك عندي مفاجئه ٧٠٪‏تفرحك و٣٠٪‏تزعلك واصريت عليه انه يقولها قال انا شريت لك ارض واحطها باسمك بس فيه شيء راح يزعلك ولا قاله يقول بعدين بقولك وصكت على الموضوع وقبل كم يوم انظف غرفتي وحصلت تحت التسريحه مفتاح الخزنه وأخذته وفتحته وكانت الصدمة ذهبي الي كان فيها ماهو موجود وانا يا خواتي من يوم طلعت من النفاس قبل كم شهر قالي انه شراء خزنه يحط فيها فلوسه وذهب وأول ما رجعت للبيت بعد الأربعين فتح الخزنه يقول شوفي ذهبك حطيته هنا وجئت ابي اتفقده ورفض يقول خليه بعدين وسكر الخزنه وأخذ المفتاح وطلبته المفتاح كم مره ابي أخذ سواره وكذا خاتم ويصرفني بعدين وكان قلبي قارصني ولما نظفت وفتحتها رحت له وواجهته وين ذهبي؟؟وما تمالكت نفسي وبكيت جلس يحلف لي انه أخذ الذهب ورهنه عند محل الذهب علشان يكمل فلوس الارض الي هديه على قولته وانا ما تطمنت ابد. قلت الارض ما ابيها رجع ذهبي وزعل وقال انه يستاهل ومن ذَا الكلام وسبق وفقدت عقد لي وقال انه معه بالسيارة يشوف انا بفقده انك دايم ذهبك بكل درج ما تحافظين عليه وخبيته عنك علشان تصيرين حريصه ومن ذاك اليوم ما عاد شفت العقد ويوم سألته عنه لما فقدت ذهبي كله قال انسرق من السياره يوم نظفها طولت عليكم بسالفتي خواتي مالي الا الله ثم انتم وش الحل معه وكيف اتصرف اذا ما رجعه وش تسمون تصرفه؟؟؟؟