زوجي ... والرومانسية ؟؟

السلااااام عليكم ...
بدخل في الموضوع على طووووووول
زوجي يحبني .. ومتأكدة وواثقة والحمدلله ..
وكل شي فيه زين.. وأزين من الزين ..
لكن ؟؟؟؟
يااااااااااااااربي يرفع ضغطي
ما يعرف طريق الرومانسية أبد
وأنا على النقيض منه .. رومانسية لحد كبير ....
تكلمنا واااايد وتناقشنا وااايد
وحتى وهو مسافر .. ما يقول كلمة وحدة
أقول له .. أنت تكلم أمك ؟؟ وإلا أختك ؟؟؟
أنا زوجتك !!
يقول أدري ... بس ماعرف أقول كلام حلو
عااااد أنا أنقهر ..
والله يا بنات أنا حامدة ربي وشاكرته ... له الحمد وحده
لكني أطمع في كرمه .. وأطلب المزيد
مع العلم أني مغرقته كلام حلو.. وأهدده أني راح أـغير واصير مثله لو ماتغير
يرد يقول لي ... أنتي جوهرة مافي مثلج ... بس بعد ماعرف أقول هالكلام :(
أدري بتقولون لي الإنسان مش كامل
لكن عاد هذي أنا ... ومشكلتي مع زوجي والرومانسية
عندكم حل لي ؟؟؟