زوجي والزواج

السلام عليكم ان شالله انكم في افضل حال         بقولكم سالفتي انامتزوجه لي خمس سنوات تقريباوعندي طفل زوجي يابنات كم مره يلمح انه يبي يتزوج وقالي والله العظيم انه مونقص فيك ومرتاح معك بس ابي حرمه ثانيه لان واحدمعه في العمل عرض عليه بنته واناتوني يابنات ماوصلت الثلاثين ومافيه اي مبررانه يتزوج وزعلت قلت اذاتبي تتزوجهاطلقني وغض النظرعن الموضوع وفي رمضان هاذايلمح بالكلام عن الزواج وانه يبي يتمتع مع حرمتين ومن ذالكلام بس ماراح يتزوج الحين لان مامعه فلوس يعني بعدكم سنه وقلت له في رمضان رح تزوج واناماراح اصيرلك عبرلين تتزوج وقال اناماعندي نيه وكلامي مزح قلت طيب كلامك مزح بس الفكره في راسك وتبي تنفذهاقال لاكل هاذامزح ولاتاخذين في خاطرك المهم عديتهاوعقب ذالكلام يبيني في الفراش وعيت قلت لااول مره من تزوجت ارفض االفراش معه لان كلامه قهرني وقعدنايمكن ثلاث ايام وجاءالعيدوطلبني ولارفضت قلت يله ماابي اخرب بيتي بنفسي ويروح يدورعلى ثانيه واكون اناالي تسببت على نفسي الين جاءامس كان عنده ايميل مايبغاه واخذته اناعشان شغل الجامعه وهوسواله جديدايميله الجديدماادري وش صارله ماصاريستخدمه وصاريستخدم ايميلي تعرفون يابنات الحين مومثل قبل كل يوم نفتح الايميل من جت ذالجوالات صارالايميل للضرورهوانافاتحه ايميلي على الجوال وجتني رساله من موقع زواج مسياراون لاين يعرضون عليه عضويه كبارالشخصيات ولقيته مسجل في الموقع بايميلي يعني هومشترك بس يبي يتفرج على طلبات الزواج!!!اكيدانه مسوي له طلب بامكانه يشوف الطلبات بدون اشتراك يابنات من امس واناافكرفي الموضوع وخايفه على نفسي لاني حامل في الشهورالاولى وماابي اخسربيتي وزوجي لانه طيب معي ويحبني ودي ارسل له رساله في الواتس بس وش اقول ماقدرت اجمع مخي ملخبط وشلون اواجهه احس كرهت نفسي وتمنيت اني ماتزوجت ولاعرفته ولاابي وحده تشاركني زوجي لان توني اناصغيره وماعندي الاطفل وحامل وش اسوي يابنات احس نفسي ضايعه ماقدرت اواجهه هوطلع اليوم بدري للعمل وقال وش فيك كان خاطرك متكدرقلت تعب حمل وش بيصيرفيني وجهوني حسبي الله ونعم الوكيل