السلام عليكم ورحمة الله وبركاته
موضوعي الي قبل هذا كنت أسأل الي عندها خبره كيف ارفع قضية على وحده سحرة زوجي وبعض الردود هاجمتني انا راح اتكلم بالتفصيل حياتي الزوجية وقولو رايكم وهل لي الحق برفع قضية انا متزوجه منذ ثمان سنوات سبع سنوات منها متفاهمين انا وزوجي على الاخر وكنت سعيده معاه وهو كذالك زوجي انسان هادي طيب هاذي شخصية زوجي واخر سنه كلها مشاكل وتطلقت مرتين ... سلفاتي اربعه وحده منهم من تزوجت وهي تحاول تأذيني بالكلام وغيره سلفتي هاذي زوجها مقعد على كرسي متحرك نتيجة حادث هي ووحده من سلفاتي الثانيات يجلسون مع بعض على طول وراحت سلفتي الثانية وعلمت زوجها بكل شي قالته لها وزوجها قال لازم تعلمينها كانت تقولها والله ماكون بنت ابوي إذا فلان ماطلق فلانه وتقول بعد وخسارة فلان على فلانه وكلام كثير وتقول انها شافت صور لزوجي بجوالها ...وانها شافت الشرت معها... قصة الشرت اخوان زوجي وكلنا احيانا نطلع بالإجازه شاليه على البحر وزوجي يسبح ولما خلص عطاني الشورت كان مبلول وحطيته على حديده من شان بنشف وختفى ودورته ماحصلته تقول والله ان شفته معها يوم كنا بشاليه ومبغى اعلم تكون مشكلة وبعد مصورته بجوالها
...بداية المشكله قبل تقريبا سنه زوجي جاء قال تصدقين كل مادخل فيه قطو اسود تحت الدرج يطالع فيه وجسمي يكش منه وبعد كلامه هذا بسبوع صار يدخل الحمام ياخذ ساعه ساعتين ويطلع ويعصب مدري من ايش وبعدها انقلبت حياتي جحيم احيانا يلقونه اخوانه نايم برا ويكرهني واحيانا يلقونه يبكي يقول مقدر اشوفها اكرها بطلقها ويضربني بدون سبب وسبع مرات رحت بيت اهلي خلال هالسنه ...مره طلب مويا وحطيله معى المويا شويه مويا مقري عليها وقبل يشرب رماه بوجهي وقال جايبه لي من بولك على طول رحت علمت امه ...اخذوه اخوانه ودوه قاري وبدا يصرخ بسم الله ويقول انا مالي شغل ومسكوه لحد مانصرع الشيخ يقول مسحور سحر تفريق ولازم يجي كل ثلاثة ايام يوم خلص يقولون له اخوانه وهم راجعين حافظ على اذكارك والموياء اشرب منها وانتبه لزوجتك لاتمد يدك عليها قال والله العظيم عمري كله مامديت يدي عليها
ويحلف ....ويتصل علي ويقول وينك وليش عند اهلك من وداك امانه قط ضربتك اخواني يقولون انت تضربها ...يذكرني بحداث صارلها اسبوعين ويكلمني على انها البارح
هاذا الي قدرة اكتبه وكلام كثير ماقدرت اقوله
اقدر ارفع عليها قضيه بشهادة سلفتي الثانية
وحسبي الله ونعم الوكيل

الورده الحزينه 12 @alordh_alhzynh_12
عضوة جديدة
يلزم عليك تسجيل الدخول أولًا لكتابة تعليق.

ياقلبي الله يفك سحره وحسبي الله على كل ظالم
ودائما رددي اللهم من اراد بي وبزوجي سوء اجعل كيده في نحره
ودائما رددي اللهم من اراد بي وبزوجي سوء اجعل كيده في نحره

يمكن زوجك معه مرض نفسي ودوه دكتور نفسي
اما سحر وهالسوالف مالها سوق عند اهل الدين والشرع
اما سحر وهالسوالف مالها سوق عند اهل الدين والشرع

fofo85
•
طيب ليش كل هالقصه ليش، بتضركم وش مصلحتها لو طبينتها قلت ممكن لكن تعنى وتروح لسحره وتدفع فلوس علشان تفرق سلفتها عن زوجها مدري بس لازم ماترفعين قضيه الا انتي متاكده من نفسك وشايفتها بعينك وماسكه عليها دليل اما قالت فلانه وقال فلان هذا ابد ماهو دليل ولا راح تنصفك المحكمه هذا، اذا، ماتهموك انك متبليه عليها

الصفحة الأخيرة
ربي يكون في عونك