السلام عليكم ورحمة الله وبركاته
انا عندي مشكله وعارفه اني كثير من المتزوجات يعانون منها وهي كثرة سفر الزوج مع اصحابه
انا تعبت واعاني من هاالمشكله لي فتره طويله ماخليت شي مااستخدمته من الاساليب زعل وزعلت عند اهلي هواش وتهاوشت انا وياه تطنيش وطنشت بس اتعبني التطنيش لاني احس بضيق فضيع وابي افضفض واخاف يجيني الضغط ولا السكر من هاالسالفه وبصراحه خلاص ضاقت فيني الدنيا صرت محتاره كيف اتصرف معاه وفي شي انا عارفته عنه انه يروح للملاهي الليليه في الدول اللي يروح لها هذا اللي مزودني ضيق وقهر والله تعبت معه حاولت وحاولت امنعه بس ماقدرت ودي انه يبطل يروح هناك والله انه هو طيب وحنون واحس كل اللي ابيه مايقصر يجيبه بس انا ابي طريقه تخليه يجلس في البيت ويقلل من سفراته ...صفاته في البوصله الشخصيه صفات الجنوبي الشرقي والحين هو مسافر وراح وانا متزاعله معاه ...
حاولت اطنش موضوع سفره الدائم بس والله مااقدر لما افكر واتخيل وهو في الملهى وانتو عارفين ايش اللي يشوفه هناك والله ان نفسيتي تتعب وانقهر مررررررره احس اني تعبت تعب نفسي و لما يجي من سفره اسوي معه تحقيق وين رحت وايش سويت وين بيتت وهو يقول ماالك شغل اروح المكان اللي ابي وينتهي نقاشنا بالهواش هو يقول خلاص قفلي على الموضوع لانه موضوع تافه ماابي اسولف فيه بس والله مااقدر الااعرف وين يروح
واعطيكم نبذه عني انا عصبيه بالحيل اذا عصبت مااخلي شي مااقوله سب وكل شي ولما نتزاعل دايما هو اللي يجي يراضيني انا مااراضيه .. عندي سؤال هل ممكن كثرة سفره بسببي انا لاني طول الوقت معصبه واهاوش عليه وعلى العيال ولا في اسباب ثانيه لاني حاولت اعرف الاسباب اللي تخليه كذا بس ماعرفت ؟؟
_ وسؤال اخير الرجال اللي يسافر كثير ايش افضل طريقه للتعامل معاه من جميع النواحي؟؟
عطوني الحل الحل لانه مسافر ويجي بعد يومين ومحتاره وكيف استقبله ؟؟ابي الحل يابنات
واللي زوجها كثير السفرياليت تقول لي كيف تتعامل معاه وكيف تستقبله لو كانت متزاعله معاه ؟؟
شذى عطره @shth_aatrh
عضوة جديدة
يلزم عليك تسجيل الدخول أولًا لكتابة تعليق.
agym
•
يابنت الحلال طنشيه وخليه يسافر بس قبل لايروح خل يعطيك فلوس في ايدك مصروفك يعني وابتسمي اذا سافر كانك فرحانه انه بيروح واذا رجع استقبليه عادي كنه كان عندك قبل اشوي يعني خليه يقول وش فيها ذي تبي الفكه انا اسوي كذا مع زوجي لانه يسافر مع اصحابه واحيانا يتصل ولا ارد وبعدين اق واقول معليش كنت مشغوله والحين هو مخفف سفريات ولله الحمد
أم حكومي
•
يابنت الحلال طنشي واسودعيه الله عن المعاصي واحمدي ربك أنازوجي مسافر مع زوجته الثانية أتمنى إنه بجزر الواق واق ولا معها بمكة
اههههههههه حطيتي ايدك على الجرح ما خليت شئ ما جربته زعل وهواش واحيانا صمت قاتل بس مافي فايدة
احسن شئ التطنيش وحاولي تتناسي انه مسافر وبيشوف وبيشوف لا تحطين في بالك والله انتي بتتعبين
ريحي راسك واستقبليه عادي واشغلي وقتك.......
ورددي دائما اللهم اني استودعتك زوجي فاحفظه بما تحفظ به عبادك الصالحين .استودعتك سمعه وبصره وقلبه وماله وجوارحه
وفرجه يامن لاتضيع الودائع عندك ......
وبتشوفين راحه نفسيه عجيبه .الله يهدي بالك وبالي وبال كل وحدة زوجها يحب السفر الله يتوب عليهم من هالسفر.
احسن شئ التطنيش وحاولي تتناسي انه مسافر وبيشوف وبيشوف لا تحطين في بالك والله انتي بتتعبين
ريحي راسك واستقبليه عادي واشغلي وقتك.......
ورددي دائما اللهم اني استودعتك زوجي فاحفظه بما تحفظ به عبادك الصالحين .استودعتك سمعه وبصره وقلبه وماله وجوارحه
وفرجه يامن لاتضيع الودائع عندك ......
وبتشوفين راحه نفسيه عجيبه .الله يهدي بالك وبالي وبال كل وحدة زوجها يحب السفر الله يتوب عليهم من هالسفر.
خذي مصرووووووووفك و عزي نفسك و دلعيها ولا تبخلي على نفسك مررررررررررره و اذا سافر لا تطلعي من بيتك قصدي تروحي لاهلك او اهله قولي ما ابغى اثقل على احد واقهريه فلانه عزمتني بروحلها بترسلي السواق اخواني مشغولين او خل احد من اهلك يوصلني ولا في نص الليل قوليله ابغى علاج تعبانه خل احد يحطه عند الباب
معلش ازعجتك بس ايش اسوي و من هاذي الحركات
معلش ازعجتك بس ايش اسوي و من هاذي الحركات
الصفحة الأخيرة