زوجي والسناب شات ،،، الله يعينك يارب ،،، صديقتي في الدوام

حياكم الله يا رايدات الاسرية


سبق كتبتلكم عن صديقتي اللي كشفت زوجها يراسل وحدة من زميلاتنا بالدوام وأنكر وحلف بالله ان هي اللي تراسله وان هي اللي ضافته ، والطريقة ان طلع جوالاتهم الاثنين أيفون وفاتحين حساب واحد على الجهازين بالتالي نفس الأسماء في جوال زوجها تجي عندها وجوالها تروح لجوال زوجها ، المهم مالكم بالطويلة .


الحمدلله اخر ايام الدوام هذا الأسبوع وبعده عندي اجازة وأم عبدالعزيز يشهد الله تابعت كل ردودكم واستفادت من بعضها ، على العموم هي سجلت الحين وتنتظر يتفعل يوزرها.


أمس نتكلم وسألتها عن أخبارها وعن زوجها ،، جلست تضحك تقول والله أني انا الغبية اللي صدقته وان زميلتي هي اللي تراسله .


سألتها ليش ، تقول من بعد حركته ما صرت أعطيه الأمان وصرت اراقبه عن طريق الواتس والسناب أخذت الاسم وكلمة المرور من المذكرات وادخل اشيك كل فترة وفترة .


لقيته ضاف اكثر من خمس بنات من زميلاتي ويراسلهم في البداية انه يعلق على سناباتهم عشان أشياء تافهة مو مضحكة عشان يفتح طريق انه يتراسل معهم وبعدين يجلس يأخذ ويعطي معهم . وهالحركة نفسها استخدمها مع اكثر من وحدة منهم .


تقول أبغى أكلم البنات بس مالي وجه لانه يعرفهم بنفسه انه زوجي وان انا حافظة الأرقام بجواله وعشان كذا يطلعوا عنده في الإضافة السريعة حقت السناب ويضيفهم ، اغلب البنات يعرفون ان هم متزوجين من 14 سنة والرجال كبير عشان كذا ما يشكوا فيه ، لكن الظاهر هو يحب يتلاعب بالحريم .


والمشكلة يستغل انه يشتغل بقطاع حكومي عشان يوزع رقمه عليهم وان اي شي يبغوه يتصلوا عليه ، لدرجة منهم وحدة تتصل عليه بعد وقت الدوام بحجة آي سؤال او استفسار.


استغفر الله بس .


تقولي صرت ادخل والصور السنابات اللي يرسلونها لبعض واحتفظ فيها بجوالي .


سألتها آيش تبغي تسوي تقول سوات الله أحسن ، انا ما اعرف ، حتى لو غيرت جهازي يظل خلاص أني فاقدة الثقة فيه وماني قادرة أنسى كلامه لهم ا. حتى مراسلتهم.


تقول إفكر أخليه يحس بالي يسويه فيا واضيف زملاءه بالدوام على سناباتي واراسلهم ، واللي يصير يصير ، واكيد أني قلتلها خافي ربك واتقي الله ما يصلح .


تقول بينهم مراسلات كل صباح والمشكلة بما ان السناب يمسح الكلام اذا ما حفظتيه يلعب علي الشيطان ، هو بدا يشك لانها كل مرة تدخل السناب حقه من جوالها يخرج من الجوال حقه بالتالي صار يخرج كثير ويقول يفكر يوديه للصيانة ، هي تقول انا ماهمني بس انا احس بحرقة وأبغى أردها فيه وأفكر أضيف من جد زملاءه واراسلهم عشان اادبه وعشان يحس في اللي احس فيه .




هي والله ثم والله تتابع ردودكم اللي تعاني من زوجها واللي لها خبرة تفيدها




وهذا موضوعها السابق






https://www.hawaaworld.com/showthread.php?t=448659...