زوجي والسهر والتطنيش

زوجي بين فترات متقاربة يعني في الاسبوع مرتين يسهر برى يطلع من المغرب او قبل ويجي على 2 او 3 الليل المشكلة انه ما يقولي بسهر برى او بتأخر ولما اقلق علية واتصل جواله مصكر الا الساعة 2 يفتحة عاتبته كذا مرة قلت تبي تسهر براحتك لكن قولي ترى بتأخر برى تخليني كذا على اعصابي ومع ذلك ما فيه فايدة مصر على انه يسهر وما يقول تعبت منه ومن حركاته انا سكنة بشقة فوق واهلة تحت البارحة سوى نفس الحركة اتصل عليه مقفل لما جت الساعة 2 فتح الجوال اتصلت قلت السلام رد قلت عسى ما شر قال انا اكل تبين شي قلت خلاص شكرا لمل جت الساعة 3 ونصف ما جاء اتصلت عليه مرة ثانية ما رد الين الفجر طبعا هو جاء تحت ونام وطنشني حتى ما قال ترى بنام تحت

بالله وش الحل مع ذا الشخص تعبت معاه
طبعا رسلت له رساله الفجر قلت هذا ما هو اسلوب يا اخي اذا مثقلة عليك او متعبتك ودني بيت اهلي ورتاح
طبعا ما شفته الا اليوم العصر ودخل الشقة وهو يكلم بالجوال قال السلام ورديت اشرت له قلت بتكلم معاك طنشني وطلع وهو ما زال يكلم اتصلت بعدها 5 مرات ما رد

ويش الحل لاني فعلا تعبت