زوجي والشمة والتمباك اللي دمرت حياتي

السلام عليكم ورحمةالله
بداية بنات راح اقول لكم فكرة عن زوجي اللي معذبني في الحياة معاه
اولا هو عصبي نار ولا يحب يودي ولا يجيب الا بطلعة الروح
وراتبه يصرف علي الاساسيات بسسسسس اما اي شي ثاني بالقطارة او كالعادة اضطر انا اللي اصرف علشان اجيب شي خاطي فيه كنب او اجهزة كهربائية وغيره او حتى سفرية راح تكون من فلوسي من الى


هذا غير انه حضرته دايم مزاجه متعكر ودايم ينام لحاله 😡واللي بتجي تقول ليش وليش اصلا تسمحين عجزت معاه حتى اذا جيت المجلس انام معاه يعلي التلفزيون يزعجني والا يشغل الجوال بصوت عالي وانا ابي انام وراي دوام يعني بالعربي الفصيح طردة


المشكلة الاساسية اللي مأرقتني (التنباك)و (الشمة) دايم يستخدمهم قدامي وقدام بناته وهذا شي ينرفزني ودايم اتهاوش معاه بسبتهم لا واللي يخليني اطلع من طوري لما يغسل منهم في حمامي وانا حامل ومعرضة للالتهابات وبناتي يستخدمون الحمام وقريت عن الشمة انها مليئة بالقاذورات والجراثيم وانا كان معاي قبل باستمرار التهابات ولا كنت اعرف سببها لحد ما عرفت هذي المعلومة


اغلب مشاكلي هالايام بسبب الشي ذا
لا يستخدم القذورات هذي قدامي ولا -تكرمون-يتفها في دورة المياه اللي نستخدمها وهو اذا قلت له كذا يعاند ويطلعها قدامي ويروح تكرمون دورة المياه ويتفها هناك


تعبت والله تعبت منه


ياما كلمته انها قاذورات ومحرمات وياما قلت له اذا بليتم فاستتروا ولا فيه فايدة يعاند ويزيد




الاي بتقول تعودي عليه وطنشي كيف اطنش في شي قرف ما اقدر والله ما اقدر خصوصا اني نشأت في بيت ما كان فيه شي من هذي القاذورات ولا تدخين ولا غيره


وعلى فكرة ترى التنباك والشمة نوع من التبغ وليس مخدرات حسبي الله على من دمر بها شبابنا