زوجي والصلاة والخمر

السلام عليكم ،
بنات انا زوجي مايصلي متكاسل الصلاه
وامه دايم ع راسه صل يياولدي وماتشوفه الا تقوله هالكلمه بس مافيه فايده ..
صارت مشكله ووعدني انه يلتزم بس يبيني اساعده
بصراحه ماساعدته كنت منهاره نفسيا ..وماعندي استعداد اساعد نفسي حتى ..




المهم انه صلى كم يوم وتركها ،
طبعا المشكله صارت لاني صدته يحشش وويشرب برا البيت ، استخرت وكنت بروح بيت اهلي وواجهته وبعد محاولات كثيييييره منه قعدت وقلتله اهم شي الصلاه .. التزم يومين بعدها رجع لعادته ، وترك الحرام سنه كامله ماشفت عليه شي




بعد العيد اكتشفت انه يطلع يوميا الصبح اكلمه صوته ثقيييييييل ويخربط ، الى يومكم هذا
اليوم كلمته بعد المغرب وصوته ثقيل قلتله خذيت دواك قال اي خذذيته قلت شفيك قال تعبان قلت انت قلتلي بتروح المستشفى قال اي رحت والحين احسن قلت حرارتك خفت؟ قال لا للحين ..
المصيبه هو مو تعبان وكل الي قلته تأليف من راسي ابي اتاكد هو بوعيه ولا لا ، وطلع مو بوعيه
مايدري شيقوووول ...




الخطوه الاخيره عشان اتاكد جواله
فتحت جواله وشفت محادثات واحد قريب له يضبط له الخمر ، ويتوسط له حسبي الله عليييهم




وواحد من ربعه هو سبب الخراب من بداية عرسي وانا شاكه فيه ، دخلت محادثته لقيته يمدح زوجي مدح مبالغ فيه ، مدح اول مره اسمعه بس عشان يسافر معاهم بعد العيد
ويعزمه على كم بطل ، ويمدح زووووجي حيل
واذا رفض يقول اعرفك انت مو رخمه فلها يارجال








ماني عارفه باي اسلوب اجي
التهديد ماينفع معاه ، ودي اكلمه بدون تهديد
كلام من القلب لي القلب بس اخاف ماينفع
وماقدر اطنش الموضوع لانه غصه بقلبي




الطلاق مو حاطته في بالي ، هو انسان خلووق جدا
وراقي بتعااااامله ، رغم تقصيره ببعض الامور




شلون اتعامل معاه؟
وش الكلام الي اقوله ؟ بعيدا عن التهديد