الله يجزاكم خير ويكتب لكم الاجر

جبتوا لي افكار حلوه لكن سؤالي اشلون احطه بالفريزر مع ان مده التاريخ قليله يمكن حده ثلالث ايام؟

عزيزتي هاتي الصمون حقنا عيالي مايعيشون من غيره ههههههههههههه

خذي الصمون وقطعيه حلقات مايله مب دائريه ان شاءالله تكونين فهمتي قصدي يعني بتصير شرايح مثل خبز الثوم في بتزا هت

وجيبي فص ثوم مطحون ولو تحبين اكثر كثري واخلطيه مع زبده سايحه وامسحي الشرائح من الاعلى وحطيهم في صينيه فرن

هاتي جبنه موزاريللا ورشي على الخبزه

اخيرا رشه من النعناع المجفف او الاوريغانو

حطي في الفرن الى ماتحمر الموزاريللا

وبالهنا والشفا

قطعيه شرائح وغمسيه على خفيف بحليب نستله وبعدين في قرفه مطحونه بعدين صفيه في صيننيه ويفضل صفه في صينيه اللي تنفتح من تحت وفي الخلاط 6 حبات كيري ونصف علبه نستله وسط ثم ضعيها على الخبز وفي الفرن من تحت شوي ومن فوق بعد شوي حتى يجمد خليط النستله وتمتعي باحلى سيمنون

فتتيه وأفركيه بالزبدة وأكبسية في صينية وخليه عرضة إصبع تقريبا
وسوي مهلبية بالسميد والقشدة وعلى ما أذكر شوية موية زهر
وحطيه فوق التوست ودخليه الفرن إلين مايتحمر من تحت
وطلعيه وصبي فوقه الشيرة وتكون وسط أو ثقيلة
ممممممم
تاكلي منها ماتشبعي
ناس يسمونها الكنافة الكذابة
وناس تسميها كنافة الفقراء>>>>الله يبعد عنا الفقر والقارئين يارب..

الخبز ماله تاريخ إنتهاء .. واذا تركناه برى الفريزر يعفن لكن لما تحطينه بالفريزر ( حطيه في كيس واربطيه زين ) صدقيني يقعد شهرين تقريباً
وعند الحاجه طلعيه وسخنيه على خفيف في الميكرويف .. واذا ماعندك ميكرويف طلعيه من الليل وتلقينه وقت الفطور كأنه طازج