زوجي والطلعات 😞

السسلام عليكم ورحمة الله ،
حبايبي بفضفض لكم ضيقة في خاطري من هالزوج الي عندي جايب لي المراره
انا انسانه اجتماعيه كنت مع اهلي طلعات كل اسبوع مولات او حدايق او جمعة اقارب يعني ومع ذلك كنت ادرس جامعة وصدقاتي ومبسوطة في حياتي ،
تزوجت قبل ثلاث سنوات من شاب قريب من عمري وعايش في الرياض بس نقل مدينتي بعد الزواج الزبده ان بعد ماتزوجنا اكتشفت في زوجي انه شبة انطوائي مايحب الطلعات ولا عنده اصدقاء ولا يحب اقاربه دوامه استلامات طويله اجلس لحالي ايام في البيت لين انهبل من الوحده والطفش صار مخرجي الوحيد اذا طفشت اهلي فققط اروح لهم ويجوني واهله بسس اهلي واهله اهلي واهله ، ابغا احس اني متزوجه لي مجتمع خاص طيب خلاص مافيه ناس يجوننا ولا عندي جارات وصديقاتي كل وحده بديره ، طيب ابغا اطلع و اروح مع زوجي اماكن حلوه مع بعض وننبسط ونغير جو ، تخيلو مولات مايوديني مهرجانات ممنوع كوفي فره بالسياره اي شي زي كيذا ماعنده هالاشياء يقول المولات والاماكن العامه مافيها الا المغازل والمشاكل ، والله العظيم احس اني متزوجه شايب يابنات عمره خمسين سنه مو شباب في العشرين تعبت منه ومن المشاكل معاه ولا قدرت اتعود على الوضع هذا واسكت له اشوف البنات حولي متزوجات ومبسوطات مع ازواجهم ومتهنين يسافرون يروحون فنادق يروحون مطاعم حلوه وانا بس اتحسر على حضي ، لو طلبته يوديني مول عشان اتقضى لاحضو مو اتمشى !! اجلس اطلبه من اليوم الي قبل بعدها يوديني بنفس شينه ويحسب لي ساعه بس واذا رجعنا البيت يجلس مايكلمني الى اليوم الي بعده وعلى هالموال ، صرت اسوي الي ابغاه بالغصب وبالمشاكل يزعل يرضى ماعاد همني الى متى وانا ساكته ومغلوب على امري ، كلمته اكثر من مره وفهمته بس مايتجاوب معي ويشوف اني تافهه وماعندي سالفه ومفروض الحرمه في بيتها ماتطلع مكان ،،، بالعلم عندي بنت عمرها سنه املي بالله ثم فيها اذا كبرت تمشيه على كيفها 😒 ،، دعواتكم ربي يسخره لي ويتغير تفكيره الحجري هذاا 💔💔 والله العظيم شي يجللط