من ناحية ياخذ منك لاتعطيه صرفيه الين يتعود يدفع

مره مامعي ومره فلوسي بالبيت فشنطه ثانيه ومره ماسحبت كاش ... الخ

وقبل تطلعون من البيت اكدي له ان ياخذ معه فلوس او يسحب


واذا دفع كبري راسه لاتطرين له انه بخيل

مدحيه دايم انه مو مقصر وكريم وعساه ذخر لك ولعيالك ومن هالكلام اللي ينفخ الرجال ويحرجه

وعندي لك فكره سوتها واحده اعرفها ماشاء الله (خذي قرض واشتري لك شقه او أرض باسمك طبعا) ...

المرأه هذي تعبت من زوجها معتمد عليها ماديا بكل شي وهي موظفه وهو بدون وظيفه

بعدها شرت شقه باسمها وصارت تقول له انها ماعاد تقدر تدفع يادوب تسدد دين الشقه وراتب الشغاله ومستلزماتها

المهم هو مل وهي ماتعطيه وصار يدور وظيفه بشكل جاد الين توظف وظيفه بسيطه ولله الحمد وصارت تعوده يدفع بدون ضغط

مقاضي البيت والعيال واحيان لها وتمدحه وتغير الحمدلله

لان سبحان الله الفطره ان الرجل يحب يمسك النفقه لكن احيان تكون التربيه او التعود اللي يطمس هالشي فيه


والله يعينك ويعيننا وييسر أمور المسلمين أجمعين

*

شرفي عزيزتي انا اشوف المشاكل تهون مع انك تساعدينه في الاجار وهو مو مقدر والدليل الانفصال اللي حصل 
عشان كذا شيلي يدك من التفقات ،الاجاار عليه هو 
اما اغراضك مو مشكله انت تقومي فيها لأن زي ماقلتي راتبه قليل ،وحكاية 5ريال عشان ايسكريم تقهر لاعاد تاخذين فلوسك مره
والسفر والله تدفعين فيه اهون من الايجار،ومنها انك تونسين نفسك انت وبنته مو عشانه ولا تكثرينها يعني في العيد تروحين فندق بمسمى هديه له او مفاجأه او في رمضان تروحين يومين جنب الحرم
كأنها هدايا بدل ماتهدينه في يده افضل لأن انت الكسبانه في الاخير ،لاتحرمين نفسك من هذي الاشياء لانه تريح نفسيتك وبنتك لها حق كمان
اما الزيارات حاولي تتأقلمي او تخففي منها يعني كل شهرين ثلاثه عشان مايطفشك تصدقين انا وصاحباتي مانتلاقى الا نادرا مع انا نحب بعض وودنا في بعض بس مانلقى وقت من مشاغل الحياه يعني تمر سنه وانا ماشفتهم
عشان كذا لا تدققين كثير دامه يقولك من مغرب لعشا فهو وقت حلو ترى
واذا عن العلاقه ضروري تناقشيه وتطلعين اللي بقلبك دام مامعاه ضعف فالمشكله سهله او استشيري ربما تجدي الحل
الله يوفقك وييسر امرك