زوجي والطلعات وين الخلل

السلام عليكم
اللهم صل علئ محمد
ببدأ المهم امس جاني زوجي وهو يومي تغدئ عندي وقال انا مشغول ومابجيك الئ الليل قلت اي شغل هذا وهو خميس هذا جو طلعات مو جو شغل قلت هالكلام ﻷني حسيته كذب علي قال ايه بطلع انا وعيالي وأمهم قلت هذا يومي وأنا من تزوجتك ماطلعتني كنت احلم بالطلعه حلم جاني الوحام وكرهت بيتي وكنت اطلبه نطلع للبر او اي مكان كان يقولي مايحب البر ولما دخلت التاسع الدكتوره قالت لازم تمشين بالبر كان يقول مو لازم وانا الاربعين جاني اكتئاب وكنت انتظر اطلع من الاربعين ﻷجل اطلع من البيت ونفس الشئ ماطلعت كأن احد حالف عليه مايطلعني
المهم اليوم وصلت معي وقلت مو معقوله هالجو حلو امطار روعه وخيال وانا مااطلع والبر نوصلوه بخمس دقايق بالسياره المهم قلت هي له السفرات والطلعات وانا لي البيت والفراش بس
يابنات والله اني مغبونه منه حيل احس كرهته من قلبي امس وهو يومي قال امشي بوديك اهلك كان بتسيرين عليهم وهي مو يومه ويقول له امشي بوديك البر يابنات هذا مو ظلم وربي اكتب لكن والدموع بعيوني ليش كذا قسم ماقصرت معاه ب ولا شئ حتئ بشهادته هو واهله وسعيد معاي ﻷقصئ حد وهي علئ كلامه تعيس معاها ودايم يتشكئ منها ومن معاملتها المهم انا ماودي اجيب طاريها وحاولت قد مااقدر اني مااجيب طاريها بس ﻷجل اوضح الصوره لكن ابي اشوف وين الخلل
يعني الرجال لما ادلعه ومااخلي عليه قاصر يسحب علي يقول هذا راضيه بكل الاحوال
ولما اسحب عليه واعامله برسميه يركض وراي ويلبي لي كل طلباتي
والله مو عارفه الصح وين قسم احترت معه
رجاءآ ماأبي العنصريه والتحيد مع طرف ضد الطرف الثاني
ابي حل لمشكلتي وتعاملي مع زوجي بس