زوجي والعشاء ضرروري يابنات 😔
اولا انا عند أهلي صار لي تقريبا ثلاث أسابيع زوجي مسافر عمل اليوم جاء أخذني من عند أهلي وحنا جايين قلت لزوجي خلنا نتعشى برى قال انا م ابي مو مشتهي طيب وقمت أقوله عشاء خفافي ومن هالكلام قال والله مابي عشاء خفافي يكفيني وسألني تبين وقلت حب ورم البقالة وشرا اللي يبيه ولا جاي لي شي وحنا راجعين قال بكره او بعده بطلع واعشيك قمت وسوست نفسي زعلانه ونزلنا ورحت المطبخ وجلست ارتب وجاني وسألني عن شي ومارديت وقال انتي زعلانه علشان العشاء وراح نام وجلس على الجوال وجئت وسألته قلت تبي عشاء قال لا وجئت نمت على السرير وشوي وطلع راح يقرا جريده وتعشاء من المطبخ وجاء وجلس على الجوال وانا كذالك وقام بعد كذا يسال انتي زعلانه علشان العشاء وقام يتودد ومن هالكلام وبعدين صار بينا احمم انا ماكان ودي امنعه خوف من الله وانه كان مسافر المهم قام وقال اضحكيلي ومنه الحكي وبعدها نام وانا يابنات انقهرت سو اللي يبيه ونام وانا لا تعشيت ولا شي مافكر وش أكل علمنا انا زوجي هذي ثاني مره المره الاول كانا طالعين وقلت خلنا نتغدى وقام يصرف 😔اللحين يابنات بذمت كل وحده تقولي لو هي وش تسوي وش دوري اللحين أزعل وإلا كيف مع ان زوجي كان لطيف معي
45
11K
يلزم عليك تسجيل الدخول أولًا لكتابة تعليق.


انا م زعلت علشان الأكل اللي قهرني هذا ثاني مره وانه أكل اللي يبيه وانا ولا سألني تعشيتي وإلا لا

لاتزعلين نفسك ولاتزعلين هم الرجال كذا مو عدم اهتمام بس كذا كسل فيهم الاشياء اللي نحبها هم مايحبونها البارح رحت مع زوجي للبيت وانا نفاس عند اهلي وقلت روح جيب عشى ماني راجعه لاهلي وانا ماتعشيت وش يقولون قام يصرف وسكت مع انه حبوب ومايقصر بس طبع الرجال كذا...ورجعت لاهلي وتعشينا عندهم ...قلت قصة حياتي 😊

الصفحة الأخيرة
واشوفه ماقصر وعدك يغديك بعدها فلا تكبري الموضوع اذا قام بكرا خليك طبيعيه وبلاش زعل وهذا هو ماشاء الله هامته مشاعرك سالك مرتين اذا انتي زعلانه او لا