ياخواتي انا متزوجه من خمس سنوات وزوجي عصبي مره لدرجة اذا عصب مايدري وش يقول يتكلم كلام من غير شعوره
دايما تصير مشاكل بيننا ومرات يمد يده عليا، ومره واحنا راجعين من عند اهلي يعني مسافرين وفي السفر واحنا بالخط نزلت مسجد وخليت ولدي عنده رحت بس خمس دقايق ورجت عليه مولع معصب ليش معصب لان الولد يبكي يبغئ ينزل معي، وقت مارجعت جلس يتكلم علي ويقول انتي واهلك دلعتو الولد زياده المهم ركبت مشينا شوي وانا ساكته وهو يسب ويتكلم شوي الا ويمد يده عليا ويظربني المهم انا مره تعورت وجلست ابكي وقت ماشافني تعبت جلس يتاسف ويبكي انا وقتها اخذت الجوال ودقيت علئ ابوي شافني قام اخذ الجوال وقفل الا شوي وابوي يدق رد عليه وقاله معليش الاولاد دقو بالغلط وقفل رجع يبكئ ويتاسف وحلف مايمد يده عليامره ثانيه انا وقتها قلت له والله اذا مديت يدك عليا مره ثانيه لاروح عند اهلي واخلي ابوي يتفاهم معك قال الله يكسر يدي اذا امدها عليك مره ثانيه والله انا كرهته بسبب العصبيه الزايده
حبيت افضفض واطلع الي بقلبي وارتاح دعواتكم ان الله يبعد عنه هالعصبيه
مكسرات مشكله @mksrat_mshklh
عضوة جديدة
يلزم عليك تسجيل الدخول أولًا لكتابة تعليق.
سجايا 123
•
كان الله بعونك بس
الله يهدي باله ي رب اثناء ماهوا معصب استغفري قد ماتقدري وادعي له في كل صلاه بسكينه والطمأنينه
نرجس
•
ادعي له ياقلبي
وكلميه في فترات الهدوء عن أضرار العصبية
وجيبي له قصص كيف ناس تخلصوا منها
والمفروض فترة ماجلس يراضيك
عطيتيه ورقة يتعهد فيها أنه معاد يضربك
وطلبتي شي ترضية وجبر خاطر
يحس أن ضربه شي مو سهل
خصوصاً أن السبب تافة ومالك علاقة
بس واضح معدنه طيب ..وبالسياسة يتغير للأحسن بإذن الله
وكلميه في فترات الهدوء عن أضرار العصبية
وجيبي له قصص كيف ناس تخلصوا منها
والمفروض فترة ماجلس يراضيك
عطيتيه ورقة يتعهد فيها أنه معاد يضربك
وطلبتي شي ترضية وجبر خاطر
يحس أن ضربه شي مو سهل
خصوصاً أن السبب تافة ومالك علاقة
بس واضح معدنه طيب ..وبالسياسة يتغير للأحسن بإذن الله
صح يانرجس كلامك هو طيب مره علشان كذا انا احاول اصبر. وهو الا عطاني مبلغ وراضاني ،بس وقت مايعصب ينسئ نفسه بس من وقت ماصارت هذي المشكله وهو ماقد مد يده لانه قالي اذا عصبت راح اطلع لين اهدئ.والحمدلله صار اذا عصب يطلع لين يروق.
الصفحة الأخيرة