زوجي والغيره والخدمات

السلام عليكم ورحمه الله وبركاته
بدخل بالموضوع
انا وزوجي مرينا بالكثيررر بس بالاصل نحب بعض لكن هذي السنه صعبه عليناا مره كلها مشاكل ماعاد ايتحمل ياناس

زوجي يغار علي وملبسني عبايه خايسه ويرفض اكشف ويهاوشني اذا كلمت عامل ومومهم عندي


بس انا متفقه معه ااذا يبي شي يقول لي او اذا الخدامه تبي شي تكلمني وان المفروض ماتقعد حولنا
بالبدايه يقول لاتقولين لها شي وتضايقينها عشان ولدنا
بعدين صار يحرص اغرف لها اكل وكل مره نتقهوى يناديها تاخذ فنجال
وهي ماتقصر سوالف وتسوي حركات
زوجي كويس بس يسوي كذا يغيضني ويحس عادي وانا اقوله لا ماينفع
ومره تهاوشت معه وتصالحنا وعقبها جلسنا وثرفت الشغاله تروح غرفتها قام ناداها وعصب علي انفجر
انتي تبين تتحكمين يالحسوده ماتبيني ارتاح تبيني اخدم نفسي وكلامم كثير واقوله كنت ابي نقعد لحالنا بدون احد يراقبنا وانا صرفتها وانت تناديها ماله داعي
فصار يتعمد يسوي ذالحركات لان يحسب ابي اتحكم فيه
حتى اخر مره طلعت مععه مكمان عام وفيه منظماات يرد وياخذ ويعطي معهم محترم بس ماعجبني


اللحين تهاوشنا قومني اسوي له بيض وقلت بعد بيض ومكرهني عيشتي حقد علي
فصار يسوي كل شي يضايقني

امس ينادي الشغاله زوزو زهوره
ويقول لها تخافين علي يحليلك
تعجبيني سويتي قهوه
مهتمه فيني تكوين ثيابي
وجاب اغراض من البقاله وعطاها كاكاو ويقول خذي جبت لك
بيض الله وجهك جبتي لي قهوتي
وش رايك اغير المجلس
ومره تهاوشت معه طلع عريان من الغرفه ينتظر الشغاله تمر بيقهرني لين انا صدتها قلت ارجعي غرفتك
ويوم بقطر بعيونه يقول بشويش ولا ناديت الشغاله
واخر شي يقول لها وش رايك تطلعين معي نروح نقضي
حسبي لله ونعم الوكيل قاصد يقهرني
وحتى يوم جاء ولد اخوه اللي امه عدوتي يقول له ماما تكوي ثياب بابا وتسوي له الغداء وتهتم فيه ؟ يسمعني
تخيلوا اني مرضت امس واقوله تراني تعبت وطنشني
مع اني اعتذرت له اس ام اس ولا رد واعتذرت بالواتس اب ولا رد ورحت له وكرشني ورفض يتسامح معي وقاعد يزيد بقهرني ويستفزني بقربه للشغاله لاني قد علمته لا يتمادا معها صار اذا تهاوشنا يتودد لها ياناس سم بدني قهرني بنفسي


طبعا انا اعالج للحمل وحملي صعب ويدفع عليه فلوس كثير ويمن علييي بكل مره نتهاوش يقول دفعت وسويت مايبان بعينك دفعت علي ولا ينفع فيك المعروف ياللي مو زي الحريم ماتحملين بسرعه


وخلاص والله مدري وش اسوي وممارس علي الصمت العقابي وهاجرني يناام بالصاله ياناس وش الحل
احيانا ابي اروح لبيت اهلي بس اعرفه راسه يابس لو رحت مو مرجعني

وهو كويس لو كان راضي اول مايصير فيه خلاف اكره نفسي ويجيني اكتئاب بسبه افعاله لازم ينتقم مني