زوجي والفلوس

السلام عليكم 

انا متزوجه وعندي طفلين عمري 23

تزوجت عام 1429

كنت بزر وحكم القوي ع الضعيف عشت أول سنتين 

في نكد مايعلمه الا رب العالمين سوء معامله وضرب 
وحقاره من زوجي فقط يصلي عادي وطبيعي جدا بس نفسيته ماش يحسبني بمشيه ع كيفه ومادري 
وانا كنت اه بس ع النيه كان عمري تقريبا 17يوم تزوجت وهو 29

وانا كنت ماسكه الكلمه ذي البيت لها اسرار 

المهم بعد مرور سنتين ضاقت بي الدنيا وطلعت 
لبيت اهلي وعلمتهم هاوشوني وليه ساكته 

وخلاص ابي الطلاق 
المهم بعد ترجي منه رجعت وتغير 100٪ 
تأدب والحمد الله 

والله مو هينا المشكله هاذي مقدمه بسيطه لاني مسسستحيل أنسى كل ضرب وكل كلمه ولا كل سبه
لو بعد سنين أتذكرها بالتفصيل الممل 💔

 الله عوضني من سنه  في مشروع 
ودخلي جدا ممتاز 
واخذت قرض 50 ألف وشغلت فلوسها 
وجالسه اسدد 3000 الاف شهري 
لي سنه وباقي حول 10 شهور واخلص الاقساط
وعندي مبلغ يشتغل حول 70 الف 

ولي دخل شهري 1500 من غير الفلوس الي تشتغل

المشكله يابناات انا وحده طابت نفسي من كلمه عطني فلوس طفشت 
وصرت اصرف ع نفسي واذا بنسافر انا علي نص 

وكل ماقلت له عطني قب علي 
علما اني عطيته اول ماخذت القرض 20 الف 
10 الاف هديه لانه كان مظغوط 
و10 الاف سافرنا
والمره الاخيره 12 الاف سافرنا 

والله صرت خايفه منه لانه يلمح يقول ولدي بندرسه حكومي ومادري ايش قلت لا افضل مدرسه أهليه 
قال ودي بس مافي فلوس 
يعني يبيني ادفع 

وبيتنا ايجار يعني مو ملك 

مادري خايفه انه يفكر ع المدى البعيد هو حاليا يبيني اصرف ع نفسي من فلوسي حتى يوم جاء وقت الراتب قلت له ابي اصبغ شعري وابسوي ليزر 
قال ماعندي وماني معطيك

وش رايكم يابناات حبيت افضفض