زوجي والفيسبوك وخطيبة صاحبه/ مكرر + لا يخص القسم

السلام عليكم ورحمة الله
اتمني انكم تساعدوني بحلول خصوصا للي معاها خبرة وتجربة ...انا يا بنات متزوجة وعندي ثلاثة اطفال وزوجي عنده صديقه وقريبه بنفس الوقت وهم صديقيين مررررررررررة تربو مع بعض وصديقه هادا خطب واحدة تقربلهم الاثنين وبعدها ماصار نصيب وفسخ الخطوبة وكان الفسخ من جانبها وبعدها كلا راح لحاله هو تزوج من 8 سنين ولم ينجب وهي تزوجت وتطلقت يمكن من سنتين اوثلاثة مدري ,,وصديق زوجي هادا الحين اهله يبغو يتزوج لينجب فجاء زوجي حلاال المشاكل وقال لصاحبه ايش رايك ترجع لخطيبتك الاولي خصوصا انها ما انجبت من طليقها وانا ما جاب لي اي فكرة عن افكاره النيرة هادي وصاحبه شكلو متردد وما مقتنع بالفكرة يعني نص نص والمشكلة الحين انا كشفت زوجي في محادثة معها مرتين علي الشات في الفيسبوك وكلام فيه شعر وماسخ ودلع من ناحيتها طبعا واجهته وقال هويبغي يسألها لو توافق ترجع لصاحبه وانا طبعا ما صدقت وطلبت يطلقني ويروح يلعب علي كيفه لكن هو حلف بالله انه ماعاد عنده علاقة فيها او اي محادثات نهائيا بينهم وكل يومين ارجع اساله وهو يحلف انه مافي بينهم كلام من بعد هذيك المرة ,,والله يا بنات صرت ما اصدقه لانه وعدني مرتين ورجع يكلمها وانا يا بنات حااااااااااااااااالتي ما يعلم فيها الا الله سبحانه مااانوم ما اكل وبس افكر طووووووووووول اليوم وانا ادعي ربنا يجعل كيدها في نحرها ..وهو غير الرقم السري للفيس بوك حقه وصرت ماني لاقية اي دليل تاني وهي قريبته واهله يعرفونها زين .دلوني الله يساعدكم ايش اسوي كيف اقدر أتاكد انه صاااااااااااادق ماني قادرة اصدقه تاني فكرت اني ارسل لها رسالة وافهم منها ايش تبي من زوجي بس هونت ..كونو معي بعد الله وربي يجزاكم خير