زوجي والقرض

مدري بس صلي الاستخارة أحسن لك
وربي يتمم لك على خير

شوفي يالغاليه انا اشير عليك تاعطينه بورقه وشهود لازم لاتقولين زوجي وحرام الزمن ماينضمن
اذا كنتي ضامنته زين سوي اللي قولت لك عليه لان سبحان الله ماتدرين يمكن يتزوج او ييتغير عليك او ينكر ترا والله يامن فيه ناس الشيطان يلعب عليهم
مو كل الناس لكن الحذر واااااجب
والله يكتب لك الاجر ع محاولة مساعدتك لزوجك

فديتكم فتاة اليمن وام زياد ماقصرتوا

حبيبتي كيف يقول لك اعطيني قرض واوقع لك على ورقة تضمن حقك ولما جاء الجد تهرب وقالك ثقي فيني وما بيننا اوراق ؟!
ما أبي أشكك في زوجك بس اتفاقه معك لما طلبك القرض اختلف في الأخير!
والله حاجه غريبه
ونصيحتي لك ولكل متزوجه موظفه ما تعطي زوجها ريال الا بأوراق
إلا في حالة كان البيت اللي تسوونه بأسمك
الزمن ياحبيبتي ما ينضمن والرجال تغيروا والدنيا صارت تخوف وياكثر قصص اللي استغلوهم ازواجهم وبالأخير يا تزوج عليها يا طلقها يا بخل عليها وجحدها وجحد فلوسها ونكد عيشتها
والمثل يقول ( ما دام الحساب دامت الصحبة )
يعني أموركم المالية لاااازم يكون فيها فصل بأوراق تضمن حق كل واحد
حتى ما يجي أحد بعدين يولول
وأقلها ترتاحين نفسياً ان حقك مضمون حتى لو ما رجعه لك وما طلبتيه بعدين
والله ياقلبي اختصري عليك وقولي له أنا أثق فيك لكن ما أثق في الزمان ولا أقدر أعطيك شئ الا بأوراق
وبتضل زوجي وحبيبي لكن الأمور هذي ما استهين فيها لأني اخاف من الزمن مو منك

لا ياحبيبتي قولي له اللي اوله شرط اخره نور
البيت ومصاريف البيت وبناء البيت شغلتك ماهي شغلتي
احتجت مني مساعدة من عيوني ... لكن قصة اني اخذ قرض ومتفقين انك تكتب لي ورقة تثبت حقي
وبعدين ترجع تقول مايحتاج ورقة وخليكي واثقة فيني !!! يفتح الله
الورقة تنكتب وعليها شهود كمان .. انتبهي يكتب لك ورقة بينك وبينه من غير شهود
ترى لاقدر الله لو صارت مشكلة والله عيونك تطلع من مكانها ولاتاخذي منه هللة
وبصراحة انا لو مكانك والله ما اخذ قروض الا لشي يخصني لوحدي
اشتري ذهب .. اسوي مشروع .. شي يخصني يعني .. اخذ قرض
اما عشان اكمل تشطيب بيت وعندي زوج عرف يسوي البيت كله ووقفت معاه على تشطيب ؟؟
لا والله خليه من غير تشطيب لين يعرف يكمله وبكيفه مو مشكلة يتأجل نقلنا للبيت سنة كمان ماتفرق
ادري اني شريرة بس يختي الدنيا صارت تخوف والفلوس اذا دخلت بين الزوج والزوجة والا الاخ واخوه يجي ابليس ويشتغل احلى شغل وتبدا المشاكل من كل مكان ..
الله يسهل عليكم ويرزق زوجك خير ولايحوجك لا انتي ولا هو للقروض تكملوا بيتكم وتسكنوه ويجعله منزل مبارك يارب