احساس مجروح22 :

طال الزمن ولا قصر فيه قيادة بعيداً عن مسألة العادات والتقاليد وثقافة الشعب تعليم قديماً مرفوض والآن يستنقصون غير الجامعي !! مسئلة وقت ويسوقون الحريم انا مثلك ماراح اسوق لكن اقول كلمة الحق واللي بيصيي

طال الزمن ولا قصر فيه قيادة بعيداً عن مسألة العادات والتقاليد وثقافة الشعب تعليم قديماً مرفوض...

احب الذرآبه :

مم يوم سمعت اسطوانة علماني وليبرالي اتوقع انك مم اللي ياجرون عقولهم للغير لن هذي الجمله يؤددونها في كل مقال نص الي عارضوا القياده ووصلت فيهم يكذبون بسبب منعها لدرجة كذبتهم ضحكوا فيها العالم اذكرك اول من بيسوقون حريمه ويطلع لهم الف تبرير اجل يحمل المرأه اعباء!! يختي على اساس ان مافي حريم الحين تشتكي من اهمال زوجها لمشاوريها وبعضهن تنطق بالايام مافكر زوجها يروح يقضي للبيت او يوديها مشوار لدرجة قصص عضوات هنا تنام من الجوع وتجلس واسابيع مطبخها فاضي والسبب زوجها مافضى نفسه لها مع انه مفضي نفسه للاستراحه والزيارات ترا لو ساقت بيقولها روحي قضي للبيت ارحم من انها تنطق ايام وبيتها فاضي وتنتظره يجيب لها وعلى اساس مانشوف حريم تحلف انه لولا وجود اخوانها قربها كان خاست في البيت وعمر زوجها ماوداها اي مشوار وهو لاشغل ولامشغله ! ولاشفنا امهات متشحططات مع التكاسي ليل نهار مره تروح سوبر ماركت مره مستشفى ومواعيد والزوج عايش حياه ثانيه عنهم والدليل اوبر وكريم اصحابه صاروا يدرون ذهب بسبب كثرة مشاوير الحريم اذا راحت للسوبر ماركت كم مره بسيارتها صارت اعباء ومشقه؟ولا وصلت عيالها للمدارس على طريقها لعملها! ولا على اساس لو هي متمرده وزعلت منهم ماتقدر تدق على اوبر او تكسي وتطلع!وش الي يخليهى تتمرد!!اتوقع الي بتتمرد ماتردها قيادة السياره ومو معناته كل من ملكت سياره بتطلع وتهج كل مازعلت على اساس المحترمه بتغير اخلاقها السياره وتنقلب من مطيعه لزوجها واهلها لمتمرده!!او انها لاطلعت وهجت من البيت بسيارتها بتتوقع انها بترجع مابتلقى من يكسر راسها والطبقه المخمليه فقط الي هي تسوق!!ماكاننا نشوف طفارا وازواج عيشوا اسرهم في ديون بسبب سفرياته كل شهر وشهرين يحط هالمطفر فلوس سفريته في سياره قربوعه لزوجته وقت يغيب عنها او بسبب شراء بعض ميسورين الحال سياره سعرها في العلالي وقيمة سيارته تجيب 2 بدال مايشتري سياره اقتصاديه ولا كاننا نشوف عائله على قد حالها اول ماوصل ولدهم لل18 طقوا له سياره؟ نفرض ان رب اسره عنده 4بنات وحالته الماديه ضعيفه ومايقدر كل يوم يودي بناته لدوامهم متوقعه بيشتري لكل بنت سياره !لانصير اغبياء طبييييعي بيشتري وحده وعلى قد فلوسه والي ربي رازقه بيشتري لكل بنت سياره ومثل ماقالوا البنات بعض الاسر تحتد تتخسر على سواق فقط عشان كم مشوار والاب مشغول لو معهم سياره بيتناوبن عليها البنات حكاية لو فقدت توزانها ليش هي بتسوق خبط لزق بدون تدريب!!مثلها مثل الرجل واظن الحوادث عندنا للحين من تحت يدين الرجال اللي نصهم يامتهور وهو شايب وش كبره يامستهتر بالانظمه ولا نساء العالم كله قدروا يسوقون حتى المنقبه فيهن ونسائنا لا ! حتى ذوي الاحتياجات الخاصه المقعدين منهم بعضهم يسوق سيارته مافقد توازنه وايش من يمسك عيالها انتي مستوعبه كلامك؟؟؟يعني ربة المنزل الي ماعندها وظيفه لو طلعت مشوار مابتقدر تاخذ عيالها!!!ولا الي تسوق في دول الخليج وماعندها شغاله كيف دبرت نفسها وعيالها مره نقاطك الي ذكرتيها من تاليف راسك والي بتسافر طريق طويل لحالها والله بكيفها وين اهلها وزوجها وعقلها مافكروا بالمخاطر!!!

مم يوم سمعت اسطوانة علماني وليبرالي اتوقع انك مم اللي ياجرون عقولهم للغير لن هذي الجمله يؤددونها...

رحله عمر 2013 :

ودي ارد عليك نقطه نقطه وبرد ع اللي اقدر عليه تقولين انا اردد هرج المشائخ بمعنى اقرب للوصف وقولهم بأن الليبراليه هم وراء الحمله او يقيدونها انا شفت بعيني ولو تبين اذكر واحد واحد ع رأسهم المتمرده الليبرالية لجين الهذلول ومنال الشريف واحمد الليبرالي وجميل العتيبي والعجوز الشمطاء سعاد الشمري وليد ابوالخير والقائمة تطول تقولين تقضي للبيت وتودي عيالها للمدرسة ليه والرجل وش فايدته ليه تحملون المراه فوق طاقتها طيب من بيقعد يقابل البيت والاطفال وينظف ويغسل والا كل هذا تبونه ع المراه طيب الرجل وش فايدته يصرف او خلاص دام المراه شالت كل شي بيوقف صرف ويالله معاك سياره دوري رزقتك ثم ان الزوج مسؤول عن اغراض البيت رضا والا ابى وهو ملزوم رفض الله لايهينه تعامل مع البقالة يوصل كل اغراضها وتسجل ع ظهره اما تودي عيالها ماشاء الله والاب وينه ليه تبينه تقوم الصبح وتلف المدارس وترجع مههدوده ووقت الخروج كل واحد له وقت مافي رحمه ورأفه للمرأه يوم تدعين انك راحمتها واصلااااا الحكومه والدولة ماقصرت وفرت النقل الباصات مجاني ليه لسواقين والخساير ثم ان مثل ماتبون سواق واهو ارخص فيزه وراتب من باب اولى الغاء الخادمات اللي خطرهم اقرب وسعرهم غالي وتقولين اشيل بزري معي تخيلي بس طفل عمره بالاشهر بتنكدي عليه نومته وتقومينه مع الاجواء كانت حاره او بارده منطق شوي !!!! وبالنهاية الكلام ع البر ع السعه غير لو صار حقيقه والله غير تطلع للحرمه قرون وتنفر من الرجال وتقول مامنه فايده وتطق من المسؤوليه اللي الله ماكلفها اياه والضحيةالابناء وبلاش نضرب ع العواطف وكلامكم بعيد كليا عن الرأفه بالمرأه الا العكس فيه تكلفه ومشقه ع المرأه

ودي ارد عليك نقطه نقطه وبرد ع اللي اقدر عليه تقولين انا اردد هرج المشائخ بمعنى اقرب للوصف...

seemb :

طبعا احترم كلامك ورأيك لكن السماح بقيادة المرأة هذا لايعني الكل بيسوق وهو ليس وجوب هي حرية شخصية وانا اختك لاتحملون المسألة أكبر من حجمها هو سماح وليس وجوب في فرق كبير جدا مع اني مااحب اقول رأي بالناس لكن ضد افكار بعض الشخصيات اللي ذكرتيهم لكن لست ضد قرار السماح بالسواقة النساء هو امر بسيط ماحد بيضرك انتي او بناتك او خواتك طالما مافي اقتناع بالفكرة انا ضد مهاجمة الأشخاص اللي ماهم مقتنعين حق لهم وايضا حق للمقتنعة الأمر بسيط...

طبعا احترم كلامك ورأيك لكن السماح بقيادة المرأة هذا لايعني الكل بيسوق وهو ليس وجوب هي حرية...

رحله عمر 2013 :

لو رجعتي لردودي قبل بتلاقين قلت ان الامر مجرد رأي وبالنهاية لا رأيي ولا رأي المعارض هو بيمشي الدولة هي من تقر ولو ترجعين بعد لردودي فقط وضعت رأي وباقي ردودي ع من تقتبس ردي وترد عليه فمن باب اولى ارد عليها طالما اقتبست ردي وعارضته ... واحترم ردك ووجهه نظرك ونظر مؤيده ومعارضه

لو رجعتي لردودي قبل بتلاقين قلت ان الامر مجرد رأي وبالنهاية لا رأيي ولا رأي المعارض هو بيمشي...