زوجي والكبتاجون

مرحبا بنات \ اشكي لكن همي لان ماعندي احد احكي له براحتي عشان مايتشمت فيني بعدين بنات انا مشكلتي زوجي يستخدم حبوب الكبتاجون ونصحته وقلت له يقولي انا ودي اتركه بس اتساهل فيه وانتي ادعيلي بس . بنات زوجي حنون ومثقف ويحبني وانا احبه ومااتخيل حياتي بدونه وعندنا ثلاث بنات حاولت اني انفصل عنه بس وربي صعبه الوحده تنفصل وعندها اطفال وين اوديهم واخواني مايقصرون بس ماهم مسؤلين يربون بناتي او يودونهم ويجيبونهم ومستحيل انا اتركهم لابوهم لاني مااصبر عنهن ،، تعرفن انتن مشكله الي يستخدمون هالاشيا ان الواحد يجلس ثلاث ايام تحت تاثيرهن وياطالع للبر ويا بالاستراحه يابعالم اخر يعني مش علي طبيعته وثلاث ايام ثانيه نوم في نوم يعني نايم طول اليوم ويقوم ياكل ويرجع ينام ونفسيته تعبانه ومعصب ويهاوش علي اتفه الامور وبعدين يرجع لطبيعته ،،، علي فكره زوجي قلبه طيب ومرح وفيه بذره خير بس هالحبوب بلوى ومبتلى فيهن . تكفن بنات من مثل حالتي ووش سوت ووش رايكن اصبر او ادوس علي قلبي واطلب الطلاق بس وين اودي بناتي والله اني كل ليله اصيح لانه اذا كلاهن كل وقته برا البيت ، والله اني ادعيله بعد كل صلاه وعصر كل جمعه ان الله يكرهه بهن ويهديه ويسخره لي