زوجي والكذب...كيف اعالجه

زوجي انسان مصلي صايم...كل جمعه يقرأ سورة الكهف وكل رمضان يختم
ذرب في كلامه...يحاول مايتلفظ بالالفاظ السوقية...مايجبرني على اي شي انا ما ابقى اسوية..سواء مساعدته في المصروف او طريقة تعامل اهله او يصحيني من النوم او يعصب اذا ما استوى الغداء ويصرف علي وعلى العيال باللي يقدر
كل هذي صفات حلوة
لكن الزين مايكمل في من الصفات السيئة لكنها مستوره عن الاعيان"يعني الناس ماتشوف فيه عيوب..تشوفه حبوب وطيوب وعلى نياته"
عينه زايغة-
احيانا كذبه مثل الثعلب مراوغ-مثل:كنت ابقى ابيع قطعة ارض لي
قال بدل الدوخة :سوي لي توكيل فقط ببيع الارض علشان ما ابقاك تتعبين وسط المحاكم
سمعت كلامه
لكن:بعد الانتهاء من كل الاجراءات اكتشفت انه عمل لنفسه توكيل عاااااااااام
ولما واجهته :قال هذا التوكيل عندك خذيه اتلفيه..ماهمني الا توكيلك!!!!!!
يكذب-
يقول بروح البحر مع الربع..والحقيقه انه مسافر
-كان دائما يرفض نروح الرياض ..يقول ما احبها!!وفي يوم من الايام اعترف لي انه ذهب للرياض 3 مرات او اكثر
-اليوم جاني وقال:ارسلت فاكس للفندق الفلاني وحجزت عنده لمدة اسبوع ولما اتصلت على الفندق قالوا لي:ماوصلنا شي
رحت وسألته:قال يمكن ماوصلهم
ولما اصريت عليه ..اعترف انه ما ارسل لهم شي..وراح السيارة وجلس فيها ربع ساعة وبعدها جاني وقال:شوفي انا مجهز الفاكس برسله بكرة
وهو يكذب لان الخط واضح ماااايل يستحيل انه كتبه على مكتب
والمشكله انه كان مبسوط وهو يشوفني منقهرة"والله ما ادري هو مبسوط او يضحك من فشيلته الكذوب"
قلت له:المفرو ض اني ما اضايق نفسي لان العيب فيك انت مو فيني
.................
طولت عليكم خواتي
انا ما ابقى اخسر زوجي...ابقى اعالجه من الكذب
كيف؟؟؟؟؟؟؟؟؟؟؟؟؟ساعدوني